ഗൊണ്ടോള: കശ്മീരിലെ ഗുല്മര്ഗിലെ പ്രധാന വിനോദസഞ്ചാര ആകര്ഷണമായ ഗൊണ്ടോളയിലേക്ക് സഞ്ചാരികളുടെ തിരക്കേറുന്നു. മഞ്ഞുമൂടിയ മലനിരകളുടെയും പച്ചപ്പാര്ന്ന താഴ്വരകളുടെയും അതിമനോഹരമായ കാഴ്ചകള് കേബിള് കാറിലൂടെ സഞ്ചരിച്ച് ആസ്വദിക്കാമെന്നതാണ് ഗൊണ്ടോളയുടെ പ്രത്യേകത. ഭാരത – പാകിസ്ഥാന് അതിര്ത്തിക്ക് സമീപം 13,500 അടി ഉയരത്തിലുള്ള അഫര്വത് കൊടുമുടിയാണ് കേബിള് കാറിന്റെ ലാസ്റ്റ് പോയിന്റ്.
അഫര്വതിലേക്കുള്ള കേബിള് കാര് യാത്ര ജമ്മു കശ്മീര് കേബിള് കാര് കോര്പറേഷന് ലിമിറ്റഡിന്റെ (ജെകെസിസിസി) നേതൃത്വത്തിലാണ് പ്രവര്ത്തിക്കുന്നത്. രണ്ട് ഘട്ടങ്ങളായാണ് യാത്ര. ഒന്നാം ഘട്ടം ഗുല്മാര്ഗില് നിന്ന് ഏകദേശം 3,100 മീറ്റര് (10,200 അടി) ഉയരത്തിലുള്ള കോങ്ദൂരിയിലേക്കും രണ്ടാം ഘട്ടം അവിടെ നിന്ന് ഏകദേശം 3,980 മീറ്റര് (13,050 അടി) ഉയരത്തിലുള്ള അഫര്വത് മേഖലയിലേക്കുമാണ്. അഫര്വതില് എത്തുമ്പോള് സഞ്ചാരികള്ക്ക് അതിര്ത്തിയോട് ചേര്ന്ന ഉയര്ന്ന പര്വതപ്രദേശത്തിന്റെ പ്രത്യേക ഭൂപ്രകൃതി അനുഭവിക്കാം.കേരളത്തില് നിന്നുള്ള മാധ്യമ പ്രതിനിധികളും പിഐബി ഉദ്യോഗസ്ഥരും അഫര്വത് പീക്കില്മഞ്ഞുപുതച്ച പര്വതനിരകളും പച്ചപ്പാര്ന്ന മലഞ്ചെരിവുകളും ഗൊണ്ടോള യാത്രയ്ക്ക് വ്യത്യസ്ത ഭംഗി നല്കുന്നു. രാവിലെ പത്ത് മുതല് വൈകീട്ട് നാല് മണി വരെയാണ് കേബിള് കാറിന്റെ പ്രവര്ത്തന സമയം. എന്നാല് കാലാവസ്ഥ, മഞ്ഞുവീഴ്ച, സുരക്ഷാ സാഹചര്യങ്ങള് എന്നിവയെ ആശ്രയിച്ചു ഗോണ്ടോളയുടെ പ്രവര്ത്തന സമയത്തില് മാറ്റം വന്നേക്കാം.
പ്രകൃതിഭംഗിയും സാഹസികതയും ഒരുമിച്ച് അനുഭവിക്കാനാകുന്നതിനാല് പ്രതിദിനം നിരവധി പേരാണ് ഇവിടേക്ക് എത്തുന്നത്. മഞ്ഞുമലകളെ അടുത്തറിയാനുള്ള ഈ യാത്ര സഞ്ചാരികള്ക്ക് മറക്കാനാകാത്ത അനുഭവമാണ് സമ്മാനിക്കുന്നത്.
ജന്മഭൂമി ഓണ്ലൈന്