ന്യൂദല്ഹി: സിപിഎമ്മില് മേല്ഘടകങ്ങളിലും പാര്ലമെന്ററി വ്യാമോഹമെന്ന് സിപിഎം ജനറല് സെക്രട്ടറി എം. എ. ബേബി. പാര്ട്ടി ആന്തരിക ചികിത്സയിലാണ്. ചിലപ്പോള് ചവിട്ടി പിഴിയല് വേണ്ടി വരുംമെന്നും എം.എ. ബേബി പറഞ്ഞു. ജനങ്ങളുമായി നിരന്തര സമ്പര്ക്കം വേണം. ജനങ്ങള് പാര്ട്ടിയെ വിമര്ശിക്കുന്ന നിലപാടാണ് സ്വീകരിച്ചത്. ജനങ്ങള് തെറ്റിദ്ധരിക്കാന് ഇടയായ ചിലത് പാര്ട്ടിയിലും വന്നുവെന്നും ബേബി പറഞ്ഞു.
കേരളത്തിലെ വിശാല സംസ്ഥാന സമിതിയിലെ ചര്ച്ചകള്ക്ക് മാര്ഗരേഖ ഒന്നും നല്കിയിട്ടില്ലെന്നും പിബിയില് നിന്ന് ഒന്പത് പേര് യോഗത്തില് പങ്കെടുത്ത് ചര്ച്ചകള് സൂക്ഷ്മമായി നിരീക്ഷിക്കുമെന്നും ബേബി പറഞ്ഞു. നേതൃമാറ്റം എന്നത് മാധ്യമങ്ങള് സൃഷ്ടിച്ച അജണ്ടയാണ്. തിരുത്തലുകള് ഉണ്ടാകും, അത് തുടര്ച്ചയായ നടപടിയാണ്. എന്തെല്ലാം നടപടിയുണ്ടാകും എന്ന് ഇപ്പോള് പറയാന് ആകില്ലെന്നും പറഞ്ഞു.
അതേസമയം പ്രതിപക്ഷ നേതാവ് പിണറായി വിജയന്റെ കണ്ണൂര് പ്രസംഗത്തെ പൂര്ണമായി ന്യായീകച്ചു. സ്ഥാനാര്ത്ഥികളെ സംബന്ധിച്ച് പരാതി ഉണ്ടെങ്കിലും പാര്ട്ടിക്കാര് വോട്ട് മാറ്റി ചെയ്യാമോ, ബേബി ചോദിച്ചു.
ഏത് സാഹചര്യത്തിലാണെങ്കിലും പാര്ട്ടിക്കെതിരെ നില്ക്കല് തെറ്റാണെന്ന് അണികള് മനസിലാക്കണം. പരാതികള് പാര്ട്ടിക്കുള്ളില് മാത്രം പറയണമായിരുന്നുവെന്നും ബേബി കുറ്റപ്പെടുത്തി.
