മലപ്പുറം: മോട്ടോര് വാഹന വകുപ്പ് ഉദ്യോഗസ്ഥര്ക്കെതിരെ പോസ്റ്റിട്ട ശേഷം കിഴിശ്ശേരി സ്വദേശിയായ ഓട്ടോ ഡ്രൈവര് ഷൗക്കത്ത് ജീവനൊടുക്കിയ സംഭവത്തില് അഴിമതി ആരോപണം നിഷേധിച്ചുകൊണ്ടുളള പ്രാഥമിക റിപ്പോര്ട്ട് ഗതാഗത കമ്മീഷണര് സര്ക്കാരിന് കൈമാറി.
ഓട്ടോയില് വരുത്തിയ രൂപമാറ്റം ഒഴിവാക്കാന് തയ്യാറാകാഞ്ഞതിനാലാണ് ഫിറ്റ്നസ് നല്കാതിരുന്നതെന്ന് റിപ്പോര്ട്ടില് പറയുന്നു
തള്ളി നില്ക്കുന്ന സ്റ്റീല് വര്ക്കുകള് നീക്കണമെന്നാണ് ഉദ്യോഗസ്ഥര് നിര്ദേശിച്ചത്. ഇക്കാര്യം മോട്ടോര് വാഹന വകുപ്പ് ഉദ്യോഗസ്ഥര് ചൂണ്ടിക്കാട്ടുന്ന ദൃശ്യങ്ങള് പുറത്തുവന്നിരുന്നു.
കൈക്കൂലി നല്കാത്തതിനെ തുടര്ന്ന് തന്റെ ഉപജീവന മാര്ഗമായ ഓട്ടോറിക്ഷയ്ക്ക് ഫിറ്റ്നസ് സര്ട്ടിഫിക്കറ്റ് നല്കാതെ അധികൃതര് പീഡിപ്പിച്ചുവെന്ന് ആരോപിച്ചാണ് ഷൗക്കത്ത് ജീവനൊടുക്കിയത്.
