കൊച്ചി: മൊബൈല് ഫോണ് ഉപയോഗിച്ചതിന് പിതാവ് ശാസിച്ചതിനെ തുടര്ന്ന് ഒമ്പതാം ക്ലാസ് വിദ്യാര്ഥിനി ജീവനൊടുക്കി. നെടുമ്പാശേരിക്ക് സമീപം കുന്നുകര ചാലക്കയില് വാടകയ്ക്ക് താമസിക്കുന്ന കുടുംബത്തിലെ പതിമൂന്നുകാരിയെയാണ് വീടിനുള്ളില് തൂങ്ങിമരിച്ച നിലയില് കണ്ടെത്തിയത്.വ്യാഴാഴ്ച വൈകുന്നേരമാണ് സംഭവം.
മരിച്ച കുട്ടി കുന്നുകര ക്രിസ്തുരാജ സ്കൂളിലെ ഒമ്പതാം ക്ലാസ് വിദ്യാര്ഥിനിയായിരുന്നു.വീട്ടിലെ ആവശ്യത്തിനുള്ള ഫോണിലേക്ക് പിതാവ് അത്യാവശ്യമായി വിളിച്ചപ്പോള് കുട്ടി ഫോണ് ഉപയോഗിച്ചുകൊണ്ടിരിക്കുകയായിരുന്നു. നിര്മാണ തൊഴിലാളിയായ പിതാവ് ജോലി കഴിഞ്ഞ് വീട്ടില് മടങ്ങിയെത്തിയപ്പോള് കുട്ടിയെ വഴക്കു പറഞ്ഞു.
പൊതുവെ ദേഷ്യപ്പെടാത്ത പിതാവ് വഴക്കുപറഞ്ഞത് കുട്ടിയെ കടുത്ത മാനസിക വിഷമത്തിലാക്കി.വൈകുന്നേരം ട്യൂഷന് കഴിഞ്ഞ് വീട്ടിലെത്തിയ ശേഷം മുറിയില് കയറിയ കുട്ടി വാതിലടച്ച് തൂങ്ങിമരിക്കുകയായിരുന്നു.പഠനത്തില് മിടുക്കിയായിരുന്നു പെണ്കുട്ടി.
കുട്ടിയുടെ മാതാവ് കൊച്ചി വിമാനത്താവളത്തില് ശുചീകരണ തൊഴിലാളിയാണ്. സംഭവത്തില് ചെങ്ങമനാട് പൊലീസ് അസ്വാഭാവിക മരണത്തിന് കേസെടുത്തു.
