ഇസ്ലാമബാദ്: പിഒകെയിലെ പ്രതിഷേധങ്ങള്ക്ക് പിന്തുണയുമായി യൂറോപ്പിലും പ്രതിഷേധം. ബെല്ജിയത്തിലെ ബ്രസല്സില് കശ്മീരി പ്രവാസികള് യൂറോപ്യന് പാര്ലമെന്റില് നിന്ന് ഐക്യരാഷ്ട്രസഭയുടെ ഓഫീസിലേക്ക് പ്രതിഷേധ മാര്ച്ച് നടത്തി. പിഒകെയില് പാക് സൈന്യം നടത്തിയ വെടിവെപ്പിലും മനുഷ്യാവകാശ ലംഘനങ്ങളിലും പ്രതിഷേധിച്ചായിരുന്നു മാര്ച്ച്.
പിഒകെയില് ആഴ്ചകളായി തുടരുന്ന അസ്വസ്ഥതകള്ക്കും പ്രതിഷേധക്കാരോടുള്ള പെരുമാറ്റത്തെക്കുറിച്ച് പ്രവാസി സമൂഹങ്ങള്ക്കിടയില് വര്ദ്ധിച്ചുവരുന്ന ആശങ്കകള്ക്കുമിടയിലാണ് മാര്ച്ച്.
പിഒകെയില് അവാമി ആക്ഷന് കമ്മിറ്റി (എഎസി)യുടെ നേതൃത്വത്തില് തുടരുന്ന പ്രക്ഷോഭം രാജ്യാന്തര തലത്തിലേക്ക് വ്യാപിപ്പിക്കുമെന്ന് സംഘടന നേരത്തെ പ്രഖ്യാപിച്ചിരുന്നു. പിഒകെയിലെ പ്രതിഷേധം ആഭ്യന്തര രാഷ്ട്രീയ പ്രശ്നത്തില് നിന്ന് രാജ്യാന്തര മനുഷ്യാവകാശ വിഷയമായി ഉയര്ത്തിക്കാട്ടുകയാണ് ജെഎഎസിയുടെയും പ്രവാസി സംഘടനകളുടെയും നീക്കം.
