ന്യൂദല്‍ഹി: 2020 ലെ ദല്‍ഹി കലാപത്തിനിടെ ഐബി ഉദ്യോഗസ്ഥന്‍ അങ്കിത് ശര്‍മ്മ കൊല്ലപ്പെട്ട സംഭവത്തില്‍ പ്രതികളായ 6 പേരെ വെറുതെ വിട്ടതിനെതിരെ ദല്‍ഹി പോലീസ് അപ്പീല്‍ നല്‍കും. കേസില്‍ ശിക്ഷിക്കപ്പെട്ട നസീം, കാസിം എന്നിവര്‍ സമര്‍പ്പിച്ച അപ്പീല്‍ പരിഗണിക്കുന്നതിനിടെയാണ് ദല്‍ഹി പോലീസിന്റെ പ്രത്യേക അഭിഭാഷകന്‍ ഇക്കാര്യം വ്യക്തമാക്കിയത്. അതേസമയം നസീമും കാസിമും നല്‍കിയ അപ്പീലില്‍ കോടതി ദല്‍ഹി പോലീസിന് നോട്ടീസ് അയച്ചു. കേസില്‍ ഡിസംബര്‍ 2 ന് അടുത്ത വാദം കേള്‍ക്കും.
2020 ഫെബ്രുവരി 25 ന് വടക്കുകിഴക്കന്‍ ദല്‍ഹിയിലെ കലാപത്തിനിടെ ക്രൂരമായി കൊല്ലപ്പെട്ട ഇന്റലിജന്‍സ് ബ്യൂറോയിലെ സുരക്ഷാ സഹായിയായിരുന്നു അങ്കിത് ശര്‍മ്മ (26). പരിക്കുകളോടെ ചാന്ദ് ബാഗിനടുത്തുള്ള അഴുക്കുചാലില്‍ നിന്നാണ് മൃതദേഹം കണ്ടെത്തിയത്. കൊലപാതകക്കുറ്റത്തിന് ആം ആദ്മി പാര്‍ട്ടി മുന്‍ മുനിസിപ്പല്‍ കൗണ്‍സിലര്‍ താഹിര്‍ ഹുസൈന്‍ ഉള്‍പ്പെടെ നാല് പേരെ സെഷന്‍സ് കോടതി ജീവപര്യന്തം തടവിന് ശിക്ഷിച്ചിരുന്നു. മറ്റ് ആറ് പ്രതികളെ കുറ്റവിമുക്തരാക്കുകയും ചെയ്തു.
