തിരുവനന്തപുരം: ഇന്സ്റ്റഗ്രാമിലൂടെ പരിചയപ്പെട്ട പ്രായപൂര്ത്തിയാകാത്ത പെണ്കുട്ടികളെ ലൈംഗികമായി പീഡിപ്പിച്ച യുവാവ് അറസ്റ്റില്.കണ്ണൂര് കൂവേരി സ്വദേശി കെ വി അനുരാജാണ് (23) പോത്തന്കോട് പൊലീസിന്റെ പിടിയിലായത്.ഒമ്പതാം ക്ലാസ് വിദ്യാര്ഥിനികളായ 14 വയസുള്ള രണ്ടുപെണ്കുട്ടികളെ പീഡിപ്പിച്ച കേസിലാണ് ഇയാളെ അറസ്റ്റ് ചെയ്തത്.
പ്രണയം നടിച്ച് പെണ്കുട്ടികളുടെ നഗ്ന ചിത്രങ്ങളും യുവാവ് കൈക്കലാക്കിയിരുന്നു. ഇന്സ്റ്റഗ്രാമിലൂടെ പരിചയപ്പെട്ട യുവാവുമായി വിദ്യാര്ത്ഥിനികളിലൊരാളാണ് ആദ്യം പ്രണയത്തിലായത്.
ഈ പെണ്കുട്ടിയുടെ കൂട്ടുകാരിയുമായും പിന്നീട് ഇയാള് പ്രണയത്തിലായി. കണ്ണൂരില്നിന്ന് പോത്തന്കോടെത്തിയ യുവാവ് പെണ്കുട്ടിയുടെ വീട്ടില് ആളില്ലാതിരുന്നപ്പോഴാണ് പീഡിപ്പിച്ചത്. പിന്നാലെ ഈ പെണ്കുട്ടിയുടെ ഇന്സ്റ്റഗ്രാം ഐഡി ഉപയോഗിച്ച് കൂട്ടുകാരിയെ വിളിച്ചുവരുത്തി പീഡിപ്പിച്ചു.വീട്ടുകാര് ഉറങ്ങിയശേഷം രാത്രി 12 മണിയോടെയാണ് ഇയാള് സ്ഥലംവിട്ടത്.
തിരികെ നാട്ടിലേക്ക് പോയ പ്രതി മറ്റൊരു പെണ്കുട്ടിയുമായി പ്രണയത്തിലായത് അറിഞ്ഞ പെണ്കുട്ടി ഇതേപ്പറ്റി വീട്ടുകാരോട് പറഞ്ഞു.ആദ്യത്തെ പെണ്കുട്ടി പൊലീസില് പരാതി നല്കിയപ്പോഴാണ് രണ്ടാമത്തെ പെണ്കുട്ടിയുടെ വിവരവും പുറത്തുവന്നത്.ഇതോടെ രണ്ട് കേസുകള് രജിസ്റ്റര് ചെയ്ത പോത്തന്കോട് പൊലീസ് കണ്ണൂരിലെത്തിയാണ് യുവാവിനെ അറസ്റ്റ് ചെയ്തത്.
ഇയാള്ക്കെതിരെ നിലവില് രണ്ട് പോക്സോ കേസുകള് തളിപ്പറമ്പ് സ്റ്റേഷനിലും രജിസ്റ്റര് ചെയ്തിട്ടുണ്ടെന്നാണ് പൊലീസ് നല്കുന്ന വിവരം.
