പ്രളയത്തില് ദുരിതമനുഭവിക്കുന്നവര്ക്ക് ഭക്ഷ്യസാധനങ്ങള് കൈമാറാന് തോണിയില് പോകുന്ന സുരേഷ്കുമാര്
കുറ്റൂര് (പത്തനംതിട്ട): സേവനത്തിന്റെ നാള്വഴികളില് സമാനതകളില്ലാത്ത പ്രവര്ത്തനം കാഴ്ചവച്ച സേവാഭാരതി കുറ്റൂര് ട്രഷറര് സുരേഷ്കുമാര് (65) അന്തരിച്ചു. തൈമറവുംകര പുത്തന്പുരയ്ക്കല് സൗപര്ണികയില് ഉണ്ണിച്ചേട്ടന് എന്ന സുരേഷ്കുമാര് ദീര്ഘനാളായി സേവാഭാരതി പ്രവര്ത്തനത്തില് സജീവമായിരുന്നു.
ഈ പ്രളയത്തിലും ദുര്ഘടമായ പലയിടങ്ങളിലും വള്ളത്തിലെത്തിയാണ് സുരേഷ്കുമാറും കൂട്ടരും സേവാപ്രവര്ത്തനം നടത്തിയത്. ഓതറ, കുറ്റൂര് പ്രദേശങ്ങളില് നിന്നായി നൂറുകണക്കിന് ആളുകളെയാണ് സുരേഷ്കുമാര് കരയ്ക്കെത്തിച്ചത്. ദുരിതാശ്വാസ പ്രവര്ത്തനങ്ങള്ക്കിടെയാണ് അദ്ദേഹത്തിന് ദേഹാസ്വാസ്ഥ്യമുണ്ടാകുന്നത്. തുടര്ന്ന് ചെങ്ങന്നൂര് ചെറിയാന് മെമ്മോറിയല് ആശുപത്രിയിലെത്തിച്ചു. ഇവിടെ വച്ചാണ് വിയോഗം. ഭാര്യ: ജ്യോതി. മക്കള്: രോഹിത്, രമ്യ. സംസ്കാരം ഇന്ന് മൂന്നിന് വീട്ടുവളപ്പില്.
