തിരുവനന്തപുരം:മദ്യലഹരിയില് ഓടിച്ച കാറിടിച്ച് പത്രപ്രവര്ത്തകന് കെ എം ബഷീര് കൊല്ലപ്പെട്ട കേസിലെ പ്രതി ഐ എ എസ് ഉദ്യോഗസ്ഥനായ ശ്രീറാം വെങ്കിട്ടരാമനെതിരെ പത്താം സാക്ഷിയുടെ മൊഴി.ബഷീര് അപകടസമയത്ത് ധരിച്ചിരുന്ന വസ്ത്രങ്ങള് ബഷീറിന്റെ സഹപ്രവര്ത്തകനും പത്താം സാക്ഷിയുമായ ശ്രീജിത്ത് എസ് തിരിച്ചറിഞ്ഞു.
വിചാരണവേളയില് ബഷീര് അപകടസമയത്ത് ധരിച്ചിരുന്ന വസ്ത്രങ്ങള് കോടതിയില് ഹാജരാക്കിയപ്പോഴാണ് സാക്ഷി തിരിച്ചറിഞ്ഞത്.2019 ആഗസ്റ്റ് മൂന്നിന് പുലര്ച്ചെ ഒരുമണിയോടടുത്താണ് സംഭവം നടന്നതെന്നും സാക്ഷി മൊഴി നല്കി.
അപകടസമയത്ത് വാഹനമോടിച്ചത് ശ്രീറാം വെങ്കിട്ടരാമനാണെന്നും കാര് ഉടമ വഫയാണെന്നും അറിഞ്ഞിരുന്നു. ഈ വിവരങ്ങള് അന്വേഷണ ഉദ്യോഗസ്ഥന് മൊഴി നല്കിയിരുന്നതായും സാക്ഷി പറഞ്ഞു. അപകട സ്ഥലമായ പബ്ലിക് ഓഫീസിന് മുന്നിലെ മതിലില് ഇടിയുടെ ആഘാതത്തില് ബഷീറിന്റെ ബൈക്ക് കുത്തിച്ചാരി വച്ച നിലയിലായിരുന്നു.അപകടമുണ്ടാക്കിയ കാര് സംഭവ സ്ഥലത്ത് ഉണ്ടായിരുന്നതായും ശ്രീജിത്ത് എസ് മൊഴി നല്കി.
