കോട്ടയം: ജില്ലയില്‍ 28 വില്ലേജുകളെ വെള്ളപ്പൊക്കവും മണ്ണിടിച്ചിലും ബാധിച്ചു. പുഴകളിലെ ജലനിരപ്പ് ഉയര്‍ന്നുകൊണ്ടിരിക്കുന്ന സാഹചര്യത്തില്‍
റെഡ് അലര്‍ട്ട് തുടരുകയാണെന്ന് ജില്ലാ ഭരണകൂടം വ്യക്തമാക്കി.
ചങ്ങനാശേരി താലൂക്കിലെ തോട്ടക്കാട് വില്ലേജ്, കാഞ്ഞിരപ്പള്ളി താലൂക്കിലെ കൂട്ടിക്കല്‍, കൊടുങ്ങ, മീനച്ചില്‍ താലൂക്കിലെ ഈരാറ്റുപേട്ട, പയ്യാനിത്തോട്, തീക്കോയി 30 ഏക്കര്‍ എന്നിവിടങ്ങളില്‍ ഉരുള്‍ പൊട്ടല്‍ ബാധിച്ചു. ഇവിടെ രണ്ടുപേര്‍ മരിച്ചു. മൂന്നു പേര്‍ക്ക് പരുക്കേറ്റു.
3 വീടുകള്‍ പൂര്‍ണ്ണമായും, 15 വീടുകള്‍ ഭാഗികമായും തകര്‍ന്നു. 26ദുരിതാശ്വാസ ക്യാമ്പുകളിലായി 145 കുടുംബങ്ങള്‍(567 ആളുകള്‍) കഴിയുന്നുണ്ട്.
മീനച്ചില്‍ താലൂക്കിന്റെ പരിധിയിലുള്ള പൂഞ്ഞാര്‍ തെക്കേക്കര, പൂഞ്ഞാര്‍ നടുഭാഗം, തീക്കോയി, ഭരണങ്ങാനം, തലനാട്, മൂന്നിലവ്, ഈരാറ്റുപേട്ട, ളാലം, പുലിയന്നൂര്‍, മീനച്ചില്‍, പൂവരണി, കൊണ്ടൂര്‍. കാഞ്ഞിരപ്പള്ളി താലൂക്കിന്റെ പരിധിയിലുള്ള കൂട്ടിക്കല്‍, മുണ്ടക്കയം, എരുമേലി വടക്ക്, കോരുത്തോട്, എലിക്കുളം. ചങ്ങനാശേരി താലൂക്കിന്റെ പരിധിയിലുള്ള: നെടുംകുന്നം, തോട്ടക്കാട്, വെള്ളാവൂര്‍, തൃക്കൊടിത്താനം, വാകത്താനം, കുറിച്ചി.
കോട്ടയം താലൂക്കിന്റെ പരിധിയിലുള്ള അയ്‌മനം, അതിരമ്പുഴ, പുതുപ്പള്ളി, അയര്‍ക്കുന്നം, കൂരോപ്പട എന്നിവയാണ് വെള്ളപ്പൊക്കവും മണ്ണിടിച്ചിലും ബാധിച്ച വില്ലേജുകള്‍.
