തിരുവനന്തപുരം: സിപിഎം ജനറല്‍ സെക്രട്ടറി എംഎ ബേബിയെ കണ്ടാല്‍ സാക്ഷാല്‍ എട്ടുമകാലി മമ്മൂഞ്ഞ് പണി നിര്‍ത്തിപ്പോകുമെന്ന ഏഷ്യാനെറ്റിന്റെ വിനു വി ജോണിന്റെ പ്രസ്താവനയില്‍ തകര്‍ന്ന് സിപിഎം. കേന്ദ്ര വിദ്യാഭ്യാസമന്ത്രി ധര്‍മ്മേന്ദ്ര പ്രധാന്‍ രാജിവെച്ചതിന് പിന്നില്‍ സിപിഎമ്മാണെന്ന എംഎ ബേബിയുടെ പ്രസ്താവനയെ പരിഹസിച്ചായിരുന്നു വിനു വി ജോണിന്റെ ഈ പ്രതികരണം പുറത്തുവന്നത്.
ഏഷ്യാനെറ്റ് ന്യൂസിന്റെ പ്രൈം ടൈം ചര്‍ച്ചയിലാണ്. അവതാരകൻ വിനു വി. ജോണ്‍ എം എ ബേബിക്കെതിരെ “എട്ടുകാലി മമ്മൂഞ്ഞ് പണി നിര്‍ത്തി പോകും” എന്ന പരാമര്‍ശം നടത്തിയത്. ഇതിന് ബേബിയെ ന്യായീകരിക്കാന്‍ സിപിഎമ്മില്‍ നിന്നും ബ്രിട്ടാസോ മറ്റാരെങ്കിലുമോ എത്തിയില്ല.
പക്ഷെ ഒടുവില്‍ ബേബിയെ രക്ഷിക്കാന്‍ ഭാര്യ ബെറ്റി ലൂയിസ് തന്നെ രംഗത്തിറങ്ങി. സമൂഹമാധ്യമത്തില്‍ വിനു വി ജോണിനെതിരെ ഒരു പോസ്റ്റിട്ടുകൊണ്ടാണ് ബെറ്റി ലൂയിസ് പ്രതികരിച്ചത്. . ജനശ്രദ്ധ പിടിച്ചുപറ്റാൻ വ്യക്തികളെയും പ്രസ്ഥാനങ്ങളെയും കുറിച്ച്‌ എന്തും പറയാൻ മടിയില്ലാത്ത രീതിയിലേക്ക് ചില മാധ്യമപ്രവര്‍ത്തകര്‍ തരംതാണിരിക്കുന്നു എന്നാണ് ബെറ്റി ലൂയിസ് പറഞ്ഞത്.
