ന്യൂദല്ഹി : ആറു വര്ഷത്തില് താഴെ പഴക്കമുള്ള ബിഎസ് 6 വാഹനങ്ങള്ക്ക് പുക പരിശോധന സര്ട്ടിഫിക്കറ്റ് മൂന്നുവര്ഷത്തിലൊരിക്കല് എടുത്താല് മതിയാവും. ഇത് സംബന്ധിച്ച കരട് ഭേദഗതി കേന്ദ്രസര്ക്കാര് പ്രസിദ്ധീകരിച്ചു. എല്ലാവര്ഷവും എന്നതിനാണ് മാറ്റം വരുന്നത്. എന്നാല് ആറുവര്ഷം മുതല് 10 വര്ഷം വരെ പഴക്കമുള്ള ബിഎസ് 6 വാഹനങ്ങളുടെ സര്ട്ടിഫിക്കറ്റ് കാലാവധി ഒരു വര്ഷമായി തുടരും. പഴക്കം പത്ത് വര്ഷത്തിനു മുകളിലാണെങ്കില് ആറുമാസത്തിലൊരിക്കല് എടുത്ത പുക സര്ട്ടിഫിക്കറ്റ് നിര്ബന്ധമാണ്. ബിഎസ്. 4 വാഹനങ്ങള് ആറു മാസത്തിലൊരിക്കലും, അതിനു താഴെയുള്ള മൂന്നു മാസത്തിലൊരിക്കലും പുക പരിശോധന നടത്തണം.
ആറു വര്ഷത്തില് താഴെ പഴക്കമുള്ള ബിഎസ് 6 ബസുകളടക്കമുള്ള ട്രാന്സ്പോര്ട്ട് വാഹനങ്ങളുടെ സര്ട്ടിഫിക്കറ്റ് കാലാവധി രണ്ടു വര്ഷമാണ്.
