തിരുവനന്തപുരം: മതസ്പര്ദ്ധ വളര്ത്തുന്ന വീഡിയോകള് സമുഹമാധ്യമങ്ങളില് പങ്കുവെക്കുകയും വര്ഗീയ വിദ്വേഷം വളര്ത്തുകയും ചെയ്ത അനില് മുഹമ്മദിന്റെ സസ്പന്ഷന് പിന്വലിച്ച സംഭവത്തിന് പിന്നില് ഉന്നത രാഷ്ട്രീയ സ്വാധീനമെന്ന് ആരോപണം. പോലീസില് ഉള്പ്പെടെ നിരവധി പരാതികള് നിലനില്ക്കെയാണ് നടപടി പിന്വലിച്ചത്. കുറ്റകൃത്യങ്ങള് ആവര്ത്തിക്കുമ്പോഴും ഉന്നത രാഷ്ട്രീയ നേതാക്കളുടെ ശക്തമായ പിന്തുണയാണ് അനില് മുഹമ്മദിന് ലഭിച്ചതെന്നാണ് വിവരം.
പിരിച്ചുവിടാന് വ്യവസായ വകുപ്പ് സ്പെഷല് ഓഫീസര് ശിപാര്ശ ചെയ്ത കെഎംഎംഎല് മിനറല് സെപ്പറേഷന് യൂണിറ്റിലെ കമ്മ്യൂണിറ്റി ആന്ഡ് പബ്ലിക് റിലേഷന്സ് മാനേജരായ അനില് മുഹമ്മദിനെ സസ്പെന്ഷന് ഒഴിവാക്കി സര്വീസില് തിരിച്ചെടുത്തതിന് പിന്നാലെ ചട്ടം ലംഘിച്ച് എജിഎം ആയി സ്ഥാനക്കയറ്റവും നല്കി സര്ക്കാര്.
സ്പെഷല് കാറ്റഗറി വഴി വരുന്ന ഉദ്യോഗസ്ഥന് മാനേജര് റാങ്ക് വരെയുള്ള സ്ഥാനക്കയറ്റത്തിനേ അര്ഹതയുള്ളൂ എന്നിരിക്കെയാണ്, ചട്ടം ലംഘിച്ച് അനില് മുഹമ്മദിനെ കഴിഞ്ഞ 24ന് അസി. ജനറല് മാനേജര് (സിഡി/പിആര്) ആയി നിയമിച്ചത്. 15 മാസമായി സസ്പെന്ഷനിലായിരുന്ന അനില് മുഹമ്മദ് സര്ക്കാരിലെ ചിലരുടെ പ്രത്യേക ഇടപെടലിനെ തുടര്ന്ന് കഴിഞ്ഞ എട്ടിനാണ് സര്വീസില് തിരിച്ചെത്തുന്നത്. ഇതിനുപിന്നാലെ കെഎംഎംഎല് എംഡി പ്രദീപ് കുമാര് രാജിവച്ചിരുന്നു. കഴിഞ്ഞ 15ന് ജോ. ജനറല് മാനേജര് മണിക്കുട്ടനെ കെഎംഎംഎല് എംഡിയായി വ്യവസായ വകുപ്പ് നിയമിച്ചു. ഇതിനു പിന്നാലെയാണ് അനില് മുഹമ്മദിനെ എജിഎമ്മായി നിയമിച്ചുകൊണ്ടുള്ള ഉത്തരവിറങ്ങിയത്.
മതസ്പര്ദ്ധ വളര്ത്തുന്ന കുറ്റം സസ്പന്ഷന് കാലത്തും ആവര്ത്തിച്ചിട്ടും, ആഭ്യന്തര അന്വേഷണ കമ്മിഷന് വ്യവസായ വകുപ്പ് സ്പെഷല് ഓഫീസര് കണ്ടെത്തിയ എല്ലാ കുറ്റങ്ങള്ക്കും ക്ലീന് ചിറ്റ് നല്കുകയായിരുന്നു. കഴിഞ്ഞ മേയ് 21ന് എംഎല്എമാരുടെ സത്യപ്രതിജ്ഞാ ചടങ്ങ് നടക്കുന്ന ദിവസം നിയമസഭയിലെത്തിയ അനില് മുഹമ്മദ് ചില മന്ത്രിമാരെ കണ്ടിരുന്നു. തുടര്ന്ന് വ്യവസായ വകുപ്പിലെ ഉന്നതരുമായും അദ്ദേഹം കൂടിക്കാഴ്ച നടത്തി. ഇതിനു പിന്നാലെ മേയ് 25ന് കമ്പനി നിയോഗിച്ച അഭിഭാഷകന് അനില് മുഹമ്മദിന്
ക്ലീന് ചീറ്റ് നല്കി കെഎംഎംഎല് എംഡിക്ക് റിപ്പോര്ട്ട് സമര്പ്പിച്ചു.
തുടര്ന്നുണ്ടായ കനത്ത സമ്മര്ദങ്ങളെത്തുടര്ന്ന് എംഡി ഈ റിപ്പോര്ട്ട് അംഗീകരിക്കുകയും ജൂണ് എട്ടിന് സസ്പന്ഷന് പിന്വലിക്കുകയുമായിരുന്നു. ഇതിന് പിന്നാലെ ടൂറിസം ഇന്ഫ്രാസ്ട്രക്ചര് എംഡിയായി അദ്ദേഹത്തെ നിയമിക്കാന് അണിയറ നീക്കങ്ങള് നടന്നെങ്കിലും പിന്നീട് അത് വഴിമാറിപ്പോവുകയായിരുന്നു.
