തിരുവനന്തപുരം: വ്യാഴാഴ്ച സംസ്ഥാന വ്യാപക വിദ്യാഭ്യാസ ബന്ദ് നടത്തുമെന്ന് കെഎസ്യു. നീറ്റ് പരീക്ഷാ പേപ്പര് ചോര്ന്നതിനെതിരെ സമരം ചെയ്ത കോക്രോച്ച് ജനത പാര്ട്ടിക്കാരെ പൊലീസ് മര്ദിച്ചെന്നും പ്രതിപക്ഷ നേതാവ് രാഹുല് ഗാന്ധി ഉള്പ്പെടെയുള്ളവരെ കൈയേറ്റം ചെയ്തതെന്നും ആരോപിച്ചാണ് വിദ്യാഭ്യാസ ബന്ദ്.സംസ്ഥാന പ്രസിഡന്റ് അലോഷ്യസ് സേവ്യര് ആണ് ഇക്കാര്യം അറിയിച്ചത്.
മുഴുവന് ക്യാമ്പസുകളിലും പ്രധാനമന്ത്രി നരേന്ദ്ര മോദിയുടെ കോലം കത്തിക്കണം. ക്ലാസുകള് ബഹിഷ്കരിച്ചും സി ജെ പിക്ക് പിന്തുണ നല്കണമെന്ന് കെഎസ്യു ആവശ്യപ്പെട്ടു. ജില്ലാ കേന്ദ്രങ്ങളിലും പ്രതിഷേധ പ്രകടനങ്ങള് സംഘടിപ്പിക്കും.
ദല്ഹിയില് സി ജെ പിക്കാരെ പൊലീസ് ആക്രമിച്ചെന്ന് ആരോപിച്ച് മറ്റന്നാള് എസ് എഫ് ഐ രാജ്യവ്യാപകമായി പഠിപ്പുമുടക്കല് സമരത്തിന് ആഹ്വാനം ചെയ്തു.സ്കൂളുകളില് ഉള്പ്പെടെ ക്ലാസ് ബഹിഷ്കരിക്കും.
