ആലപ്പുഴ : പിഎസ്സി പരീക്ഷയുടെ ചോദ്യപേപ്പര് മാറിയ സംഭവം ആഭ്യന്തര വിജിലന്സ് അന്വേഷിക്കും. അന്വേഷണ ചുമതല എസ്പിക്ക് നല്കി. ഇന്ന് ചേര്ന്ന പിഎസ്സി യോഗത്തിലാണ് തീരുമാനം.
എല്ജിഎസ് പത്താം തരം പൊതുപ്രാഥമിക പരീക്ഷയുടെ ചോദ്യപേപ്പര് ആണ് മാറി നല്കിയത്. പരീക്ഷ നടന്ന സ്കൂളിലെ പ്രിന്സിപ്പല്, രണ്ട് അധ്യാപകര്, ഒരു പിഎസ്സി ഉദ്യോഗസ്ഥന് എന്നിവര്ക്കെതിരെ ഉടന് നടപടിയുണ്ടാകുമെന്ന് സൂചനയുണ്ടായിരുന്നു.
എന്നാല് അന്വേഷണത്തിന് ശേഷം മതി നടപടിയെന്ന് പിന്നീട് തീരുമാനിച്ചു. കോര്പേറഷനുകളിലെ ലാസ്റ്റ് ഗ്രേഡ് സര്വെന്റ്സ് പരീക്ഷയുടെ രണ്ടാം ഘട്ട ചോദ്യപേപ്പറുകളാണ് മാറിയത്.ആലപ്പുഴ ലജ്നത്തുല് മുഹമ്മദിയ ഹയര് സെക്കന്ററി സ്കൂളില് വച്ച് നടന്ന പരീക്ഷയിലെ ചോദ്യപ്പേപ്പര് ആണ് മാറിയത്.
