തിരുവനന്തപുരം:പ്ലീഡര് ആയി നിയമിച്ച ജിയോണ ജെയിംസ് സംഘടനയുടെ സജീവ പ്രവര്ത്തകയല്ലെന്ന് ലോയേഴ്സ് കോണ്ഗ്രസ്.ജിയോണ ജെയിംസിനെ തെരഞ്ഞെടുത്തതിന്റെ മാനദണ്ഡം മുഖ്യമന്ത്രി വ്യക്തമാക്കണമെന്നും ലോയേഴ്സ് കോണ്ഗ്രസ് സംസ്ഥാന പ്രസിഡന്റ് ആവശ്യപ്പെട്ടു. നിയമനത്തില് പരാതി അറിയിക്കാന് മുഖ്യമന്ത്രിയെ കാണാന് വീണ്ടും കെഎസ് യു സംസ്ഥാന പ്രസിഡന്റ് അനുമതി തേടും.
ജിയോണ ജെയിംസിന്റെ നിയമനത്തിനെതിരായ കെഎസ് യുവിന്റെ പരാതി മുഖ്യമന്ത്രി തള്ളിയത് ലോയേഴ്സ് കോണ്ഗ്രസ് നോമിനിയെന്ന പേരിലാണ്.ഇത് ഇപ്പോള് സംഘടന തന്നെ ചോദ്യം ചെയ്യുന്നു. പേര് നിര്ദ്ദേശിച്ചെങ്കിലും പട്ടികയില് വളരെ താഴെയായിരുന്നുവെന്നാണ് ലോയേഴ്സ് കോണ്ഗ്രസ് സംസ്ഥാന പ്രസിഡന്റ് പറയുന്നത്. ലോയേഴ്സ് കോണ്ഗ്രസിലെ തര്ക്കവും വിവാദത്തിന് കാരണമാണെന്ന് പറയുന്നുണ്ട്.സംഘടനാ നേതാവ് സ്റ്റേറ്റ് അറ്റോര്ണി അനൂപ് നായരാണ് ജിയോണയുടെ പേര് മുന്നോട്ട് വെച്ചതെന്നാണ് വിവരം.ഡീന് കൂര്യാക്കോസ് എംപിയും ജിയോണയുടെ പേര് നിര്ദ്ദേശിച്ചിരുന്നു
ലോയേഴ്സ് കോണ്ഗ്രസ് സംഘടനയുടെ നേതാക്കളെ ഒഴിവാക്കിയതിലാണ് നേതൃത്വത്തിന് അമര്ഷമെന്നാണ് അറിയുന്നത്.ജിയോണ ജെയിംസിന്റെ നിയമനം ലോയേഴ്സ് കോണ്ഗ്രസ് തന്നെ ചോദ്യം ചെയ്തത് കെഎസ് യുവിന്റെ വാദങ്ങള്ക്ക് ബലം പകരുന്നുണ്ട്. നേരത്തെ കൂടിക്കാഴ്ചക്ക് അനുമതി നിഷേധിച്ചെന്ന പരാതിപ്പെട്ട അലോഷ്യസ് സേവ്യര് വീണ്ടും മുഖ്യന്ത്രിയെ കാണാനൊരുങ്ങുകയാണ്. കൂടിക്കാഴ്ചക്ക് അനുമതി തേടി കത്ത് നല്കാനാണ് തീരുമാനം.
അതിനിടെ പാര്ട്ടി വക്താക്കളുടെ വ്യക്തിപരമായ അഭിപ്രായ പ്രകടനങ്ങള് കെപിസിസി വിലക്കിയിട്ടുണ്ട്.
