ന്യൂഡൽഹി : ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിനെ അറസ്റ്റ് ചെയ്യണമെന്ന് യുഎൻ മനുഷ്യാവകാശ കമ്മീഷണറോട് ആവശ്യപ്പെട്ട് എം എ ബേബി . പലസ്തീനിലെ ഇസ്രായേൽ അധിനിവേശത്തെ കുറിച്ച് അന്വേഷിക്കുന്ന യു എൻ സ്വതന്ത്ര അന്വേഷണ കമ്മീഷന്റെ ചെയർമാനും, മുൻ ജഡ്ജിയുമായ ഡോ. ശ്രീനിവാസൻ മുരളീധരനെയാണ് ഇതിനായി എം എ ബേബി അടക്കമുള്ള സിപിഎം നേതാക്കൾ കണ്ടത്.
ഇസ്രായേലിലേക്കുള്ള ആയുധകൈമാറ്റം തടയണമെന്നും സിപിഎം നേതാക്കൾ ആവശ്യപ്പെട്ടു. പലസ്തീനിലെ തടങ്കൽ , ഇസ്രായേൽ സൈന്യത്തിന്റെ പ്രവർത്തികൾ എന്നിവയെ പറ്റി അന്വേഷിക്കണമെന്നും ഇവർ ആവശ്യപ്പെട്ടു.ലോകത്തിന്റെ ഹൃദയത്തിനേറ്റ മുറിവാണ് പലസ്തീൻ. പലസ്തീനുവേണ്ടി സംസാരിക്കാൻ കഴിയുന്ന ഇന്ത്യയിലെ ഏക സംസ്ഥാനം കേരളമാണെന്നും മുൻപ് ബേബി പറഞ്ഞിരുന്നു.
