പാലക്കാട് : വായ്പ വാഗ്ദാനം ചെയ്തും ബ്ളാക്ക്മെയില് ചെയ്തും യുവതികളില് നിന്ന് പണം തട്ടിയ കേസില് പൊലീസ് ഏറെ നാളായി അന്വേഷിച്ചിരുന്ന ആലപ്പുഴ സ്വദേശി ഡാര്ക്ക് വെബ്് ബിബിന് എന്ന ബിബിന്, പങ്കാളി സൗമ്യ എന്നിവരെ പാലക്കാട് സൈബര് ക്രൈം വിഭാഗം അറസ്റ്റ് ചെയ്തു. ഏഴ് കവര്ച്ചാ കേസുകളില് പ്രതിയാണ് ബിബിന്.
‘മഹാലക്ഷ്മി ഫിനാന്സ്’ എന്ന പേരില് കുറഞ്ഞ പലിശയ്ക്ക് വായ്പ നല്കാമെന്ന് ഓണ്ലൈനില് പരസ്യം നല്കിയായിരുന്നു തട്ടിപ്പ്. അഞ്ച് ലക്ഷം രൂപയ്ക്ക് 75,000 രൂപ പ്രോസസിങ് ഫീസ് ആവശ്യപ്പെടുകയായിരുന്നു ഇവരുടെ രീതി. ഇതു നല്കാന് കഴിയാത്ത സ്ത്രീകളുടെ നഗ്ന ദൃശ്യങ്ങള് കൈവശപ്പെടുത്തി ഭീഷണിപ്പെടുത്തി പണം തട്ടിയെടുക്കും.
വഴിയോരക്കച്ചവടക്കാരുമായി ചങ്ങാത്തംകൂടി അവരുടെ സിം വാങ്ങിയെടുത്താണ് തട്ടിപ്പിന് ഉപയോഗിച്ചിരുന്നത്. മാത്രമല്ല, വാടക വീടും കാറും നിരന്തരം മാറിയിരുന്നതിനാല് ഇവരെ കണ്ടെത്തുക എളുപ്പമായിരുന്നില്ല. മൂന്നു മാസത്തെ പരിശ്രമത്തിനൊടുവിലാണ് ഇപ്പോള് ഇവര് പിടിയിലായത്.
യുവതികളെ ലക്ഷ്യമിട്ട് ഓണ്ലൈന് വായ്പാ തിട്ടിപ്പ് : ഡാര്ക്ക് വെബ് ബിബിനും പങ്കാളിയും അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.