കാസര്കോട്: കേരളത്തിലെ ഊര്ജ്ജ മേഖലയിലെ സമഗ്രമായ പരിവര്ത്തനത്തിന് ഫലപ്രദമായ നിര്ദേശങ്ങള് അടങ്ങുന്ന നിവേദനം കേന്ദ്ര ഊര്ജ്ജ സഹമന്ത്രി ശ്രീപദ് യശോ നായികിന് കെഎസ്ഇബി ഓഫീസേഴ്സ് സംഘ് സമര്പ്പിച്ചു.
എല്ടിഡിഎസ് ഡിട്രിബ്യൂട്ടേഡ് സോളാര് എനര്ജി ബാറ്ററി സിസ്റ്റം നടപ്പാക്കുവാന് സോളാര് എനര്ജി കോര്പ്പറേഷന്റെ (SECI) കേരളത്തിലെ പ്രവര്ത്തനം ശാക്തീകരിക്കുക, പവര് ഫിനാന്സ് കോര്പ്പറേഷന്റെ റീജിയണല് ഓഫീസ് കേരളത്തില് സ്ഥാപിക്കുക, സ്മാര്ട്ട് മീറ്ററിങ് ത്വരിതപ്പെടുത്തുവാന് നിലവിലെ CAPEX മാതൃക അപര്യാപ്തമായതിനാല് ബദല് മാര്ഗ്ഗം സ്വീകരിക്കാന് ഇടപെടുക, ഡിസ്ട്രിബൂഷന് ഹോട്ട്ലൈന് മെയിന്റനന്സ് പ്രോത്സാഹിപ്പിക്കുവാന് കേന്ദ്ര പദ്ധതികളില് തുക വകയിരുത്തുക, ഇലക്ട്രിസിറ്റി ആക്ട് 2003 അമന്ഡ്മെന്റിലെ മള്ട്ടിപ്പിള് ലൈസന്സിങ് ആശങ്കകള് പരിഹരിക്കാന് ഇടപെടല് നടത്തുക തുടങ്ങിയ നിര്ദേശങ്ങള് അടങ്ങുന്ന നിവേദനമാണ് കെഎസ്ഇബി ഓഫീസേഴ്സ് സംഘ് സംസ്ഥാന സെക്രട്ടറി പി. അനില്കുമാറിന്റെ നേതൃത്വത്തില് കേന്ദ്ര മന്ത്രിക്ക് നല്കിയത്. കെഎസ്ഇബി മുന് ഡയറക്ടര് പി. സുരേന്ദ്ര, സംസ്ഥാനസമിതി അംഗം കെ. ഷിബി കൃഷ്ണന് എന്നിവര് സംബന്ധിച്ചു.
