കൊച്ചി : മതേതരരാണെന്ന് കാട്ടാൻ എന്തും ചെയ്യുന്ന നിലയിലാണ് ഇന്ന് ഹിന്ദുക്കൾ. അതിന് ഉദാഹരണമാണ് ഇസ്ലാമിക പ്രഭാഷണങ്ങൾ നടത്തുന്ന ഡോ അനിൽ മുഹമ്മദിനെ രാമായണ പ്രഭാഷണത്തിനായി ഓച്ചിറ പരബ്രഹ്മക്ഷേത്രത്തിൽ കൊണ്ടുവരുന്നത്. ആഗസ്റ്റ് 2 നാണ് അനിൽ മുഹമ്മദിന്റെ പ്രഭാഷണം .
വളരെ ചരുങ്ങിയകാലം കൊണ്ട് കട്ട ഇസ്ലാമിസത്തെ പിന്തുണക്കുന്ന വീഡിയോസാണ് അനിൽ മുഹമ്മദ് സോഷ്യൽ മീഡിയയിൽ അപ്ലോഡ് ചെയ്തത്.സ്വതന്ത്രചിന്തകനും പ്രഭാഷകനുമായ ശിഹാബുദ്ദീന്‍ മേത്തര്‍ മരിച്ചപ്പോള്‍, അദ്ദേഹത്തെ അപമാനിച്ചുകൊണ്ട് അനിൽ വീഡിയോ ചെയ്തതും, ചിരിച്ചതുമൊക്കെ വിവാദമായിരുന്നു.
എൽ.ഡി.എഫ് സർക്കാരിന്റെ കാലത്ത് കെ.എം.എം.എൽ അസിസ്റ്റന്റ് ജനറൽ മാനേജരായിരുന്ന അനിൽ മുഹമ്മദിനെ ചട്ടംലംഘിച്ച് സമൂഹമാദ്ധ്യമങ്ങളിലൂടെ സർക്കാർ വിരുദ്ധ പ്രചാരണം നടത്തിയെന്ന് ആരോപിച്ച് സസ്പെൻഡ് ചെയ്തിരുന്നു . നിരവധി പേരാണ് രാമായണ പ്രഭാഷണത്തിന് അനിൽ മുഹമ്മദിനെ കൊണ്ടുവരുന്നതിനെ വിമർശിച്ച് രംഗത്തെത്തിയിരിക്കുന്നത് . ഹിന്ദുവിനെ രാമായണം പഠിപ്പിക്കാൻ ഹിന്ദു ആചാര്യന്മാർ ഇല്ലേയെന്നാണ് ചിലർ ചോദിക്കുന്നത് . ഹിന്ദുക്കളുടെ ശവം ദഹിപ്പിക്കാൻ മാത്രമല്ല ഹിന്ദുക്കൾക്ക് രാമായണം പഠിപ്പിക്കാനും ഞങ്ങളേ ഉള്ളൂ എന്ന മട്ടിൽ മറുപടിയുമായും ചിലർ എത്തുന്നുണ്ട്.
