ന്യൂദല്ഹി: ഭാരത് ഫോര്ജ് ചെയര്മാന് ബാബ കല്യാണിയും സഹോദരി സുഗന്ധ ഹിരേമത്തും തമ്മിലുള്ള സ്വത്തുതര്ക്കം പരിഹരിക്കാന് സുപ്രീം കോടതി മുന് സുപ്രീം കോടതി ജസ്റ്റിസ് എല് നാഗേശ്വര റാവുവിനെ മധ്യസ്ഥനായി നിയമിച്ചു. സുഗന്ധ ഹിരേമത്തിന്റെ കേസ് തള്ളണമെന്ന് ആവശ്യപ്പെട്ട് ബാബ കല്യാണി സമര്പ്പിച്ച അപേക്ഷയില് തത്കാലം തുടര് നടപടി സ്വീകരിക്കരുതെന്ന് ബോംബെ ഹൈക്കോടതിയോട് സുപ്രീം കോടതി നിര്ദ്ദേശിക്കുകയും ചെയ്തു. കേസ് ഇനി രണ്ടാഴ്ചയ്ക്ക് ശേഷം പരിഗണിക്കും. ഒരു ലക്ഷം കോടി രൂപയിലധികം വിലമതിക്കുന്ന സ്വത്തിനെച്ചൊല്ലിയാണ് തര്ക്കം.
സൗഹാര്ദ്ദപരമായ ഒത്തുതീര്പ്പിനുള്ള സാധ്യതകള് ആരായാന് ചീഫ് ജസ്റ്റിസ് സൂര്യകാന്ത് , ജസ്റ്റിസുമാരായ ജോയ്മല്യ ബാഗ്ചി , വി മോഹന എന്നിവരടങ്ങിയ ബെഞ്ച് കക്ഷികളോട് ആവശ്യപ്പെട്ടു. ബാബ കല്യാണി മധ്യസ്ഥതയ്ക്ക് വിസമ്മതിച്ചതിനെത്തുടര്ന്നാണ് വിഷയം സുപ്രീം കോടതിയില് എത്തിയത്.
ജസ്റ്റിസ് നാഗേശ്വര റാവുവിനെ ബന്ധപ്പെടാമെന്ന് ഇരുവിഭാഗത്തിനും വേണ്ടി ഹാജരായ മുതിര്ന്ന അഭിഭാഷകര് ബെഞ്ചിന് ഉറപ്പ് നല്കി.
2023-ലാണ് സുഗന്ധയും ഭര്ത്താവ് ജയ്ദേവ് ഹിരേമത്തും ബോംബെ ഹൈക്കോടതിയില് കേസ് ഫയല് ചെയ്തത്. 1994 ജൂണില് ബാബ കല്യാണിയും പിതാവ് നീലകണ്ഠ് അന്നപ്പ കല്യാണിയും തമ്മില് ഉണ്ടായതായി പറയപ്പെടുന്ന കുടുംബ സ്വത്ത് ക്രമീകരണത്തിന്റെ നിര്വ്വഹണം ആവശ്യപ്പെട്ടായിരുന്നു ഹര്ജി.
ബാബ കല്യാണിയും സഹോദരിയും തമ്മിലുള്ള ഒരു ലക്ഷം കോടിയുടെ സ്വത്തുതര്ക്കം: മധ്യസ്ഥനെ നിയോഗിച്ച് സുപ്രീം കോടതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.