ഹൈദരാബാദ്: മുരുകനെക്കുറിച്ച് നിര്മ്മിക്കാന് പോകുന്ന ജൂനിയര് എന്ടിആര് നായകനായ തെലുങ്ക് സിനിമ വിവാദത്തിലേക്ക്. ശിവ-പാര്വ്വതീ ദമ്പതികളുടെ മകനായ മുരുകന് (സുബ്രഹ്മണ്യസ്വാമി) വടക്കേയിന്ത്യക്കാരനോ തെക്കേയിന്ത്യക്കാരനോ എന്ന തര്ക്കമാണ് സിനിമയെ വിവാദമാക്കുന്നത്.
ഗോഡ് ഓഫ് വാര് എന്ന് തല്ക്കാലം പേരിട്ടിരിക്കുന്ന ഈ സിനിമയുടെ ടാഗ് ലൈനാണ് തമിഴ്നാട്ടിലെ നാം തമിളര് കച്ചി നേതാവ് സീമാനെപ്പോലുള്ളവരെ ചൊടിപ്പിച്ചിരിക്കുന്നത്. ‘വടക്കേയിന്ത്യയില് പിറന്ന് തെക്കേയിന്ത്യയുടെ ദൈവമായി മാറിയ മുരുകന്’ എന്നതാണ് വിവാദമായ ടാഗ് ലൈന്. മുരുകനെ വടക്കേയിന്ത്യക്കാരനാക്കി എന്നതാണ് സീമാനെപ്പോലുള്ളവരുടെ രോഷത്തിന് കാരണം.
ഈ സിനിമ തമിഴ്നാട്ടില് നിരോധിക്കണമെന്ന് ആവശ്യമുയര്ത്തിയിരിക്കുകയാമ് സീമാന്. 2027ലേ സിനിമയുടെ ഷൂട്ടിംഗ് ആരംഭിക്കൂ എന്നിരിക്കിലും ഈ സിനിമ ഇപ്പോഴേ വിവാദമായിക്കഴിഞ്ഞു. സിനിമയുടെ പോസ്റ്ററെല്ലാം ഡിസൈന് ചെയ്തു കഴിഞ്ഞു.
