തിരുവനന്തപുരം: നെഹ്റു ട്രോഫി സമ്മാനത്തുകയില് വമ്പന് വര്ധന. ഒന്നാം സമ്മാനം നേടുന്ന ചുണ്ടന് സമ്മാന തുക 25 ലക്ഷമാക്കി വര്ദ്ധിപ്പിച്ചു. രണ്ടാം സമ്മാനം നേടുന്നവര്ക്ക് 20 ലക്ഷം രൂപയാണ് ലഭിക്കുക. മൂന്നാം സമ്മാനം നേടുന്നവര്ക്ക് 15 ലക്ഷം രൂപയായും സമ്മാനത്തുക ഉയര്ത്തി.
വള്ളംകളിക്കുള്ള സര്ക്കാര് ഗ്രാന്ഡ് രണ്ട് കോടി രൂപയായി വര്ദ്ധിപ്പിച്ചു.നിലവില് നെഹ്റു ട്രോഫിയിലെ ഉയര്ന്ന സമ്മാനത്തുക അഞ്ച് ലക്ഷം രൂപയായിരുന്നു.
ഇന്ത്യയുടെ പ്രഥമ പ്രധാനമന്ത്രി ആയിരുന്ന ജവഹര്ലാല് നെഹ്റു 1952-ല് ആലപ്പുഴ സന്ദര്ശിച്ചപ്പോള് പുന്നമടക്കായലില് വള്ളംകളി മത്സരം സംഘടിപ്പിച്ചു. വള്ളംകളിയിലെ ആവേശത്തിലും തുഴക്കാരുടെ പ്രകടനത്തിലും ആകൃഷ്ടനായ നെഹ്റു, ദല്ഹിയില് തിരിച്ചെത്തിയ ശേഷം വെള്ളിയില് നിര്മ്മിച്ച ഒരു ട്രോഫി സമ്മാനമായി അയച്ചുനല്കി. ഇതാണ് പിന്നീട് ‘നെഹ്റു ട്രോഫി’ എന്ന പേരില് അറിയപ്പെടാന് തുടങ്ങിയത്.
