തിരുവനന്തപുരം: സപ്തംബറിനുള്ളില് ഒരു ലക്ഷം പ്ലാവിന് തൈകളും ഒരു ലക്ഷം തെങ്ങിന് തൈകളും തമിഴ്നാട്ടില് ബിപിസിഎല്ലിന്റെ ആഭിമുഖ്യത്തില് വച്ചുപിടിപ്പിക്കുമെന്ന് കേന്ദ്രമന്ത്രി സുരേഷ്ഗോപി. കേന്ദ്ര പെട്രോളിയം പ്രകൃതി വാതക മന്ത്രാലയവും തിങ്ക് ഗ്യാസും സംയുക്തമായി കൊച്ചുവേളിയിലെ എല്സിഎന്ജി, പ്രകൃതിവാതക കേന്ദ്രത്തില് സംഘടിപ്പിച്ച സ്വച്ഛത പഖ്വാഡയുടെ ഉദ്ഘാടനം നിര്വഹിച്ച് സംസാരിക്കുകയായിരുന്നു അദ്ദേഹം.
പ്രപഞ്ചത്തിനാകെ സംരക്ഷണ വലയം സൃഷ്ടിക്കാന് ഈ വര്ഷം മുതല് സ്വച്ഛത പഖ്വാഡയില് സ്വന്തം അമ്മയുടെ പേരില് ഒരു മരം വച്ചുപിടിപ്പിക്കണമെന്ന പ്രധാനമന്ത്രി നരേന്ദ്ര മോദിയുടെ ആഹ്വാനം ഏറ്റെടുത്ത് സുരേഷ്ഗോപി
അമ്മ ജ്ഞാനലക്ഷ്മിയമ്മയുടെ ഓര്മയ്ക്കായി കൊച്ചുവേളിയിലെ എല്സിഎന്ജി പ്രകൃതിവാതക കേന്ദ്രത്തില് പ്ലാവിന് തൈ നട്ടു. തിങ്ക് ഗ്യാസ് പ്രസിഡന്റ് മന്മോഹന് അഹുജ, റീജിയണല് ഹെഡ് ദീപു ജോണ് തുടങ്ങിയവരും പങ്കെടുത്തു.
