തിരുവനന്തപുരം:പി എസ് സി പരീക്ഷാ ക്രമക്കേടില് അന്വേഷണം ഊര്ജ്ജിതമാക്കാന് പ്രത്യേക അന്വേഷണ സംഘത്തിന് (എസ് ഐ ടി) രൂപം നല്കി സംസ്ഥാന പൊലീസ് മേധാവി.ഐ ജി അജിത ബീഗമായിരിക്കും എസ് ഐ ടിയെ നയിക്കുക. എസ് പി സക്കറിയ മാത്യു, ഡി വൈ എസ് പി അജയ് നാഥ് എന്നിവരാണ് മറ്റ് അംഗങ്ങള്.
ക്രൈംബ്രാഞ്ച് എ ഡി ജി പിയുടെ നേരിട്ടുള്ള മേല്നോട്ടത്തിലുളള അന്വേഷണത്തിന്റെ പുരോഗതി റിപ്പോര്ട്ട് രണ്ടാഴ്ച കൂടുമ്പോള് സമര്പ്പിക്കണമെന്നും ഡി ജി പി ഉത്തരവില് പറയുന്നു.
പി എസ് സി പരീക്ഷ ക്രമക്കേടില് ഒരേ സമയം ആഭ്യന്തര വിജിലന്സും ക്രൈംബ്രാഞ്ചും വ്യത്യസ്തങ്ങളായ അന്വേഷണമാണ് നടത്തുന്നത്.ആസൂത്രണ ബോര്ഡിലെ ഉന്നത നിയമനത്തിനായി നടത്തിയ പരീക്ഷയില് ക്രമക്കേടെന്ന പരാതിയില് പി എസ് സി നിയോഗിച്ചത് പ്രകാരം അഭ്യന്തര വിജിലന്സ് എസ് പി അന്വേഷണം തുടങ്ങി. ഇതിനൊപ്പമാണ് മന്ത്രിസഭാ തീരുമാന പ്രകാരം ക്രൈം ബ്രാഞ്ചും അന്വേഷണ തുടങ്ങുന്നത്. പി എസ് സി പരീക്ഷ നടത്തിപ്പുമായി ബന്ധപ്പെട്ട് അടുത്തകാലത്തുണ്ടായ ആരോപണങ്ങളിലാണ് ക്രൈംബ്രാഞ്ച് അന്വേഷണം.എന്നാല് പ്രാഥമിക അന്വേഷണത്തിന് ശേഷമേ ക്രൈംബ്രാഞ്ച് കേസെടുക്കു. ഫയലുകള് ആവശ്യപ്പെട്ട് പി എസ് സിക്ക് കത്ത് നല്കും. എന്നാല് ഫയലുകള് നല്കണോയെന്നതില് പി എസ് സി നിയമോപദേശം തേടും.
