ഹരിപ്പാട്: പിലാപ്പുഴ പുതുക്കാട്ട് സുപ്രഭ ഭവനില് ബസന്തിന്റെയും മിനിയുടെയും മകള് സാവരിയ (22) യുടെ മൃതദേഹം ആലപ്പുഴ മെഡി. കോളേജില് പോസ്റ്റ്മോര്ട്ടം നടത്തി, ഹരിപ്പാട് റെയില്വേ സ്റ്റേഷന് കിഴക്ക് പിലാപ്പുഴയിലുള്ള പുതുക്കാട് സുപ്രഭ ഭവനില് സംസ്കരിക്കും.
സാവരിയയുടെ മാതൃസഹോദരീ ഭര്ത്താവാണ് ഉസ്ബെക്കിസ്ഥാനില് നിന്ന് ഇന്നലെ രാത്രി ഒന്നിന് നെടുമ്പശ്ശേരി വിമാനത്താവളത്തില് എത്തിയത്. സഹപാഠിയായ മലപ്പുറം പെരിന്തല്മണ്ണ സ്വദേശി സദറുല് അനം (23) ആണ് സാവരിയയെ ലാപ്ടോപ്പിന് അടിച്ചുകൊന്നത്. പ്രതി അവിടെ പോലീസ് കസ്റ്റഡിയിലാണ്. രണ്ടാം വര്ഷ മെഡി. വിദ്യാര്ത്ഥികളാണ് ഇരുവരും. പെണ്കുട്ടിയുടെ ദേഹമാസകലം മുറിവുകള് ഉള്ളതായി സഹപാഠികള് നാട്ടിലെ ചില സുഹൃത്തുക്കളെ അറിയിച്ചിരുന്നു. ഹോസ്റ്റലിലെ മുകള് നിലയില് വെച്ച് ലാപ്ടോപ്പിനടിച്ച ശേഷം സാവരിയയെ സദറുല് അനം താഴേയ്ക്ക് തള്ളിയിട്ടു മരണം ഉറപ്പാക്കുകയായിരുന്നു എന്നാണ് ബന്ധുക്കള്ക്ക് ലഭിച്ച വിവരം.
ജൂണ് 30 ന് നാട്ടില് വരാന് തീരുമാനിച്ചിരുന്നെങ്കിലും പിന്നീട് ഇരുവരും യാത്ര ജുലൈ ഏഴിലേക്ക് മാറ്റുകയായിരുന്നു.
ഉസ്ബെക്കിസ്ഥാന് ബുഖാറ സ്റ്റേറ്റ് മെഡിക്കല് യൂണിവേഴ്സിറ്റിയിലെ വിദ്യാര്ത്ഥികളാണ് ഇരുവരും. സാവരിയയെ സദറുള് അനം ലൗ ജിഹാദില്പ്പെടുത്താന് ശ്രമിച്ചു പരാജയപ്പെട്ടതിന്റെ വൈരാഗ്യത്തിലാണോ കൊലപാതകമെന്നും ബന്ധുക്കള് സംശയിക്കുന്നു.
