ശ്രീനഗര്: ദാല് തടാകത്തിന്റെ സംരക്ഷണവും പരിപാലനവും സംബന്ധിച്ച 2002 ലെ പൊതുതാല്പ്പര്യ ഹര്ജിയില് ഇതുവരെ കൈവരിച്ച പുരോഗതിയെക്കുറിച്ച് റിപ്പോര്ട്ട് തേടി ജമ്മു & കശ്മീര് & ലഡാക്ക് ഹൈക്കോടതി.
24 വര്ഷമായി പൊതുതാല്പര്യ ഹര്ജി പരിഗണനയിലാണെന്നും തടാകത്തിന്റെ അവസ്ഥ മെച്ചപ്പെടുത്തുന്നതിനായി ഒന്നിലധികം ഉത്തരവുകള് പുറപ്പെടുവിച്ചിട്ടുണ്ടെന്നും ആക്ടിംഗ് ചീഫ് ജസ്റ്റിസ് സഞ്ജീവ് കുമാറും ജസ്റ്റിസ് മുഹമ്മദ് യൂസഫ് വാനിയും അടങ്ങിയ ഡിവിഷന് ബെഞ്ച് ചൂണ്ടിക്കാട്ടി. അതിനാല്, വിഷയത്തില് ഏറ്റവും പുതിയ നിലപാട് വ്യക്തമാക്കി ആഗസ്റ്റ് 31 ന് മുമ്പ് അമിക്കസ് ക്യൂറി സംക്ഷിപ്ത വസ്തുതാ കുറിപ്പ് നല്കണം.
ശ്രീനഗറിലെ ദാല് തടാകത്തിന്റെ സംരക്ഷണത്തിനും പുനഃസ്ഥാപനത്തിനും വേണ്ടി ജുഡീഷ്യല് ഇടപെടല് ആവശ്യപ്പെട്ട് 2002 ല് സയ്യിദ് ഇഖ്ബാല് താഹിര് ഗീലാനിയാണ് പൊതുതാല്പര്യ ഹര്ജി സമര്പ്പിച്ചത്.
