തിരുവനന്തപുരം: തിരുവനന്തപുരത്തെ രണ്ടാം മെഡിക്കല്‍ കോളേജിന് മുന്‍ മുഖ്യമന്ത്രിയും കോണ്‍ഗ്രസ് നേതാവുമായ കെ.കരുണാകരന്റെ പേര് നല്‍കി. കെ കരുണാകരന്‍ മെമ്മോറിയല്‍ മെഡിക്കല്‍ കോളേജ് എന്ന് പേരിട്ട് ഉത്തരവ് പുറത്തിറക്കി. തിരുവനന്തപുരത്തെ ജനറല്‍ ആശുപത്രി, തൈക്കാട് സ്ത്രീകളുടെയും കുട്ടികളുടെയും ആശുപത്രി എന്നിവ യോജിപ്പിച്ചാണ് പുതിയ മെഡിക്കല്‍ കോളേജ്.
തിരുവനന്തപുരത്ത് രണ്ടാം മെഡിക്കല്‍ കോളേജിന് കേരള സര്‍ക്കാര്‍ കേന്ദ്ര അനുമതി തേടിയിരുന്നു. മെഡിക്കല്‍ കോളേജിന് എത്രയും വേഗം അനുമതി ലഭ്യമാക്കണമെന്നും ഈ അധ്യയന വര്‍ഷം പ്രവേശനം നടത്താനുള്ള ഇടപെടല്‍ ഉണ്ടാകണമെന്നും ആരോഗ്യമന്ത്രി കെ മുരളീധരന്‍ ആവശ്യപ്പെടുകയുണ്ടായി.
കേന്ദ്ര ആരോഗ്യമന്ത്രി ജെ പി നദ്ദയുമായി നടന്ന ഓണ്‍ലൈന്‍ യോഗത്തിലാണ് കെ മുരളീധരന്‍ ഈ ആവശ്യമുന്നയിച്ചത്.മെഡിക്കല്‍ കോളേജിന് കേന്ദ്ര ആരോഗ്യമന്ത്രിയില്‍ നിന്നും ഉറപ്പ് ലഭിച്ചതായി ആരോഗ്യമന്ത്രിയുടെ ഓഫീസ് അറിയിച്ചിരുന്നു.
കേന്ദ്രസഹായമായ 150 കോടി രൂപ ഉടന്‍ അനുവദിക്കണമെന്നും കേന്ദ്രത്തോട് കെ മുരളീധരന്‍ ആവശ്യപ്പെട്ടു. എയിംസിനായി 10 സ്ഥലങ്ങള്‍ കണ്ടെത്തിയിട്ടുണ്ടെന്നും അറിയിച്ചിട്ടുണ്ട്.
