കൊച്ചി : താര സംഘടന അമ്മയുടെ പ്രാഥമിക അംഗത്വം രാജിവെച്ച് നടിമാരായ രേവതിയും പത്മപ്രിയയും. പുരുഷാധിപത്യവും അധികാരമോഹവും സംഘടനയെ ലക്ഷ്യങ്ങളില് നിന്ന് ദുര്ബലപ്പെടുത്തി. പടിയിറങ്ങല് പിന്മാറ്റം അല്ല ആത്മാഭിമാനത്തിന്റെ പ്രഖ്യാപനമാണെന്നാണ് നടിമാര് സമൂഹമാധ്യമത്തില് പോസ്റ്റിട്ടത്.
അമ്മയിലെ വിവാദങ്ങളുടെ പശ്ചാത്തലത്തില് അല്ല രാജിയെന്നും നടിമാര് പറഞ്ഞു.ഒരു ദശാബ്ദ കാലത്തോളം പല ആവശ്യങ്ങള്ക്കായി സംഘടനയില് പോരാടിയെങ്കിലും സഹപ്രവര്ത്തകരില് നിന്നും സുഹൃത്തുക്കളില് നിന്നും മൗനവും അകല്ച്ചയുമായിരുന്നു മറുപടി.
ഹേമ കമ്മറ്റി റിപ്പോര്ട്ട് പുറത്തുവന്നപ്പോള് ഉണ്ടായ രാജികള് ഉത്തരവാദിത്വത്തില് നിന്ന് ഒഴിഞ്ഞുമാറാനുള്ള ശ്രമങ്ങള് ആയിരുന്നു. പൊതു ശ്രദ്ധ മാറിയപ്പോള് പഴയ രീതികളും അധികാര ക്രമങ്ങളും തിരികെ എത്തി.സംഘടനയുടെ നിലനില്പ്പിന് ആധാരം വ്യക്തികള് അല്ല വിശ്വാസ്യതയാണെന്നും താരങ്ങള് കുറിച്ചു.
