തിരുവനന്തപുരം:ആസൂത്രണ ബോര്‍ഡിലെ വിവാദ നിയമനങ്ങളില്‍, പരീക്ഷ രേഖകള്‍ പുറത്ത് വിടാന്‍ പി എസ് സിക്ക് വിവരാവകാശ കമ്മീഷന്‍ ഉത്തരവ്.അപേക്ഷ നല്‍കിയവര്‍ക്ക് ഏഴ് ദിവസത്തിനകം എല്ലാ രേഖകളും കൈമാറണം.
ഉത്തരക്കടലാസും അഭിമുഖത്തിന് നല്‍കിയ മാര്‍ക്കിന്റെയും വിവരങ്ങള്‍ ഉദ്യോഗാര്‍ത്ഥികള്‍ക്ക് നല്‍കണം. വിവരാവകാശ നിയമം വഴി ആവശ്യപ്പെട്ടിട്ടും നല്‍കാതിരുന്ന രേഖകളാണ് ഇത്.
പരീക്ഷ എഴുതിയ എല്ലാവരുടെയും മാര്‍ക്ക് പട്ടികയും പരീക്ഷ പേപ്പറിന്റെ പകര്‍പ്പും നല്‍കണം. പിഎസ് സിയുടെ എതിര്‍പ്പ് മറികടന്നാണ് വിവരാവകാശ കമ്മീഷന്‍ ഉത്തരവ്.
ചീഫ് ഇന്‍ഡസ്ട്രി ആന്‍ഡ് ഇന്‍ഫ്രാ സ്ട്രക്ചര്‍ പരീക്ഷയുടെ വിവരങ്ങളാണ് പുറത്ത് വരുന്നത്. പരീക്ഷയില്‍ 10 ഉത്തരങ്ങള്‍ പരിശോധിച്ചില്ലെന്നത് നേരത്തെ പുറത്ത് വന്നിരുന്നു.ഇടത് പക്ഷവുമായി ബന്ധമുളള ആള്‍ക്കാണ് നിയമനം നല്‍കിയത്.
