തൃശൂര്:നഴ്സുമാരുടെ ശമ്പള വര്ധനയില് അമല, ജൂബിലി ആശുപത്രികള് വാഗ്ദാനം നടപ്പാക്കാത്തതോടെ തൃശൂര് ജില്ലയിലെ നഴ്സുമാര് സമ്പൂര്ണ പണിമുടക്കിലേക്ക്. ജില്ലാതലത്തില് 48 മണിക്കൂറിനകം ശക്തമായ സമരം നടത്തും. സമരം മൂലം രോഗികളെ ബുദ്ധിമുട്ടിക്കാതിരിക്കാന് ആശുപത്രിയില് രോഗികളെ മാറ്റാന് 48 മണിക്കൂര് സമയം നല്കുമെന്ന് യുഎന്എ വ്യക്തമാക്കി.
അമല ,ജൂബിലി ആശുപത്രികളില് സമരത്തിലുളള നഴ്സുമാരെ പിരിച്ചുവിടുമെന്ന ഭീഷണിയുമായി മാനേജ്മെന്റ് രംഗത്തെത്തിയിരുന്നു.സമരത്തെ തുടര്ന്ന് നഴ്സുമാരുടെ ഒഴിവുകള് മിക്കതും നികത്തിക്കഴിഞ്ഞുവെന്നും സമരക്കാര് ഇനി തിരിച്ച് വന്നാലും കാര്യങ്ങള് ആലോചിക്കേണ്ടി വരുമെന്നും മാനേജ്മെന്റ് അറിയിച്ചു.ഏപ്രില് ഒന്നിന് വേതന വര്ദ്ധനവ് നടപ്പാക്കിയതാണ്. എന്നാല് അത് ഇപ്പോള് നടപ്പാക്കിയെന്നാണ് യുണൈറ്റഡ് നഴ്സസ് അസോസിയേഷന്റെ പ്രചാരണമെന്നും ഈ ആശുപത്രി മാനേജ്മെന്റ് പ്രതിനിധികള് ആരോപിച്ചു
അതേസമയം ശമ്പള വര്ദ്ധന അടക്കം ആവശ്യങ്ങള് ഉന്നയിച്ചു കണ്ണൂരിലെ ആറു സ്വകാര്യ ആശുപത്രിയിലെ നഴ്സുമാര് 52 ദിവസമായി സമരത്തിലാണ്.നഴ്സുമാരുമായി ആശുപത്രി മാനേജ്മെന്റുകള് കരാര് ഒപ്പിടാന് തയാറാകാത്തതോടെ സമരം കളക്ടറെറ്റിന് മുന്നിലേക്ക് നീട്ടി.
