തിരുവനന്തപുരം: വിനോദയാത്രയ്ക്കിടെ അപ്രതീക്ഷിതമായി ഉണ്ടായ അപകടത്തില് മൂന്ന് വയസുകാരി മരിച്ചു. കാട്ടാക്കട കൊറ്റംമ്പള്ളി സ്വദേശികളായ അനു പ്രസാദ് -നിസ ദമ്പതികളുടെ മകള് ഋഗ്വേദയാണ് മരിച്ചത്.
അമ്പൂരി കുറിച്ചിക്കാട് പാലത്തിന് സമീപം നിര്ത്തിയിട്ടിരുന്ന ടെമ്പോ ട്രാവലര് തനിയെ മുന്നോട്ട് നീങ്ങി കുട്ടിയുടെ ദേഹത്തുകൂടി കയറിയിറങ്ങിയാണ് മരണം. മൂന്ന് കുടുംബങ്ങള് ഒരുമിച്ചാണ് വിനോദസഞ്ചാരത്തിന് എത്തിയത്.
പാലത്തിന് സമീപം വാഹനം നിര്ത്തിയ ശേഷം പുറത്തിറങ്ങി നില്ക്കുമ്പോള് വാഹനത്തിന്റെ ഹാന്ഡ് ബ്രേക്ക് അബദ്ധത്തില് റിലീസായി മുന്നോട്ട് ഉരുളുകയായിരുന്നു.ഈ വാഹനം സമീപത്തുണ്ടായിരുന്ന കുഞ്ഞിന്റെ ശരീരത്തില് കയറി. ഗുരുതര പരിക്കേറ്റ കുഞ്ഞിനെ ഉടന് തന്നെ കാട്ടാക്കടയിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
