മിയാമി: ലോകകപ്പ് റിക്കാര്‍ഡിലും മെസിയുടെ കുതിപ്പ് തുടരുന്നു. ഈ മത്സരത്തിലെ ഗോളോടെ തുടര്‍ച്ചയായ എട്ട് ലോകകപ്പ് മത്സരങ്ങളില്‍ ഗോള്‍ ആദ്യ കളിക്കാരനായി അദ്ദേഹം മാറി. ഈ ഗോളിലൂടെ അദ്ദേഹത്തിന്റെ ലോകകപ്പ് ഗോളുകളുടെ എണ്ണം 20 ആയി ഉയര്‍ത്തി. രണ്ട് വ്യത്യസ്ത ഫിഫ ലോകകപ്പ് പതിപ്പുകളില്‍ ഏഴ് ഗോളുകള്‍ നേടുന്ന ആദ്യ ഫുട്‌ബോള്‍ താരവും മെസ്സി തന്നെ.
ഗോള്‍ഡന്‍ ബൂട്ടിനുള്ള മുന്‍നിര മത്സരാര്‍ത്ഥികളില്‍ ഒരാളായി പടയോട്ടം നടത്തുകയാണ് മെസി. കിലിയന്‍ എംബാപ്പെയ്‌ക്കൊപ്പം ആറ് ഗോളുകള്‍ നേടി നോക്കൗട്ട് മത്സര നിലവാരത്തിലേക്ക് പ്രവേശിച്ച മെസ്സി, ടൂര്‍ണമെന്റിലെ ടോപ് സ്‌കോറര്‍ എന്ന നേട്ടത്തിനായുള്ള മത്സരത്തില്‍ മുന്നേറുകയും തന്റെ തിളക്കമാര്‍ന്ന അന്താരാഷ്‌ട്ര കരിയറില്‍ മറ്റൊരു നാഴികക്കല്ല് കൂടി കുറിക്കുകയും ചെയ്തു. ലോകകപ്പ് നോക്കൗട്ട് മത്സരങ്ങളില്‍ തുടര്‍ച്ചയായി അഞ്ച് മത്സരങ്ങളില്‍ ഗോള്‍ നേടിയതിന്റെ 64 വര്‍ഷം പഴക്കമുള്ള റിക്കാര്‍ഡും മെസ്സി തകര്‍ത്തു. 1962ല്‍ ബ്രസീലിന്റെ വാവയാണ് അവസാനമായി ഈ നേട്ടം കൈവരിച്ചത്. ലിയോണിഡാസും (ബ്രസീല്‍: 1934-38) ഗ്യോര്‍ഗി സരോസിയും (ഹംഗറി: 1934-38) മാത്രമാണ് ഈ നേട്ടം കൈവരിച്ചിട്ടുള്ളത്.
കഴിഞ്ഞ ലോകകപ്പില്‍ ഓസ്‌ട്രേലിയയ്‌ക്കെതിരെ ഒരു ഗോള്‍ നേടിയതോടെയാണ് മെസിയുടെ ലോകകപ്പ് നോക്കൗട്ട് ഗോള്‍വേട്ട പരമ്പര ആരംഭിച്ചത്. തുടര്‍ന്ന് ക്വാര്‍ട്ടര്‍ ഫൈനലിലും സെമിഫൈനലിലും യഥാക്രമം നെതര്‍ലന്‍ഡ്‌സിനും ക്രൊയേഷ്യയ്‌ക്കുമെതിരെ പെനാല്‍റ്റി ഗോള്‍ നേടി. ഫ്രാന്‍സിനെതിരായ ഫൈനലിലും രണ്ട് ഗോളുകള്‍ നേടി മെസി ടൂര്‍ണമെന്റ് പൂര്‍ത്തിയാക്കി. 2026 ഫിഫ ലോകകപ്പില്‍ ഏറ്റവും കൂടുതല്‍ ഗോളുകള്‍ നേടി. ഫിഫ ലോകകപ്പില്‍ ക്യാപ്റ്റനെന്ന നിലയില്‍ ഏറ്റവും കൂടുതല്‍ ഗോളുകള്‍, ഫിഫ ലോകകപ്പില്‍ ഏറ്റവും കൂടുതല്‍ തവണ പങ്കെടുത്ത താരം എന്നിങ്ങനെ നിരവധി റിക്കാര്‍ഡുകള്‍ സ്വന്തമാക്കിക്കഴിഞ്ഞു.
