തൃശൂര്‍: അഴിമതിക്കാരനാണ് താന്‍ എന്ന് വരുത്തി തീര്‍ക്കാന്‍ ശ്രമം നടക്കുന്നുവെന്ന് ഐഎന്‍ടിയുസി സംസ്ഥാന പ്രസിഡന്റ് ആര്‍ ചന്ദ്രശേഖരന്.രണ്ടായിരത്തിലധികം കോടി രൂപയുടെ അഴിമതി നടത്തിയ ആളാണ് ചന്ദ്രശേഖരന് എന്ന് വരുത്തിതീര്‍ക്കാനാണ് ശ്രമം. കശുവണ്ടി വികസന കോര്‍പറേഷന്‍ അഴിമതിക്കേസില്‍ സര്‍ക്കാര്‍ പ്രോസിക്യൂഷന് അനുമതി കൊടുത്തത് സ്വാഗതം ചെയ്യുന്നു. പ്രോസിക്യൂഷന് അനുമതി കൊടുത്താല്‍ ശിക്ഷയല്ലല്ലോയെന്നും ചന്ദ്രശേഖരന് വാര്‍ത്താസമ്മേളനത്തില്‍ പറഞ്ഞു.
കേരള സര്‍ക്കാര്‍ ഉദ്യോഗസ്ഥര്‍ അടങ്ങുന്ന ബോര്‍ഡ് എപ്പോഴും ഏക കണ്‌ഠേനയാണ് തീരുമാനമെടുത്തത്. തന്റെ കാലയളവില്‍ 224 കോടി രൂപയുടെ പര്‍ച്ചെയ്സ് ആണ് നടന്നത്. ഏത് വിചാരണയും നേരിടുമെന്നും അദ്ദേഹം പറഞ്ഞു.
പത്രസമ്മേളന ദിവസം രാവിലെ 11 മണിക്ക് തനിക്ക് ലഭിച്ച സര്‍ക്കാര്‍ ഉത്തരവാണ് പത്രസമ്മേളനത്തില്‍ വായിച്ചത്.തന്റെ കയ്യില്‍ കിട്ടിയത് മാധ്യമങ്ങളോട് പറയുന്നത് വലിയ അപരാധമാണോ? ഇതില്‍ കക്ഷിയായ തനിക്ക് ഉത്തരവിന്റെ പകര്‍പ്പ് ലഭിക്കും.കൊച്ചിയിലെ കോടതിയില്‍നിന്ന് അഭിഭാഷകരാണ് പകര്‍പ്പ് അയച്ചുതന്നതെന്നും ചന്ദ്രശേഖരന് പറഞ്ഞു.
സര്‍ക്കാര്‍ പ്രോസിക്യൂഷന് അനുമതി നല്‍കി ഇറക്കിയ ഉത്തരവില്‍ ചന്ദ്രശേഖരന് കേസില്‍ നിന്ന് രക്ഷപ്പെടാനുളള പഴുതുകളുണ്ടായിരുന്നത് വിമര്‍ശനങ്ങള്‍ക്ക് കാരണമായിരുന്നു. കോടതി നിര്‍ബന്ധപ്രകാരം മനസിരുത്തി പഠിക്കാതെ ആണ് പ്രോസിക്യൂഷന് അനുമതി നല്‍കുന്നതെന്നാണ് ഉത്തരവിലുണ്ടായിരുന്നത്.ഇത് വായിച്ച അഡ്വക്കേറ്റ് ജനറല്‍ ഉത്തരവ് തിരുത്താന്‍ ആവശ്യപ്പെട്ടിരിക്കുകയാണ്.
