ലക്നൗ : അയോധ്യ രാമക്ഷേത്രത്തിലെ സംഭാവന തട്ടിപ്പിന്റെ പേരിൽ ഹിന്ദുക്കളെ പരസ്യമായി അധിക്ഷേപിച്ച് കോൺഗ്രസ് . കോൺഗ്രസ് പാർട്ടിയുടെ ത്രിപുര യൂണിറ്റിന്റെ (ഐഎൻസി ത്രിപുര) ഔദ്യോഗിക സോഷ്യൽ മീഡിയ അക്കൗണ്ടിൽ ഹിന്ദുക്കൾ വിഡ്ഢികളാണെന്നും , ആർക്ക് വേണമെങ്കിലും പറ്റിക്കാനാകുമെന്നുമാണ് പറയുന്നത്. രാമക്ഷേത്രവുമായി ബന്ധപ്പെട്ട വിവാദ വീഡിയോയും പോസ്റ്റ് ചെയ്തിട്ടുണ്ട്. ഹിന്ദുക്കളെ ലക്ഷ്യം വച്ചുള്ള അധിക്ഷേപകരമായ പദമാണ് ഈ വീഡിയോയിൽ ഉപയോഗിച്ചിരിക്കുന്നത്.
“നിങ്ങളെ മതത്തിന്റെ പേരിൽ വിഡ്ഢികളാക്കുകയായിരുന്നു, നിങ്ങളെ വിഡ്ഢികളാക്കുന്നത് തുടരും. മറ്റൊന്നും ചെയ്യാനില്ലാത്ത ആരെയും മതത്തിന്റെ പേരിൽ വഞ്ചിക്കുന്നത് തുടരും.” എന്നാണ് ഹിന്ദുക്കളെ പറ്റി വീഡിയോയിൽ പറയുന്നത് . കോടിക്കണക്കിന് ഹിന്ദുക്കളെ പരസ്യമായ അപമാനിക്കുന്നതാണ് കോൺഗ്രസിന്റെ ഈ വീഡിയോ.
ബിജെപി വക്താവ് പ്രദീപ് ഭണ്ഡാരി എക്സിൽ ഈ വീഡിയോ പങ്ക് വച്ചിട്ടുണ്ട് . കോടിക്കണക്കിന് ഹിന്ദുക്കളുടെ വിശ്വാസത്തോടുള്ള അപമാനമാണിതെന്നാണ് ഭണ്ഡാരി വിശേഷിപ്പിച്ചത്. കോൺഗ്രസ് എപ്പോഴും ഹിന്ദുക്കളോട് വിദ്വേഷം പുലർത്തിയിട്ടുണ്ടെന്നും ഈ പോസ്റ്റ് വീണ്ടും ആ ഹിന്ദു വിരുദ്ധ മുഖം തുറന്നുകാട്ടിയെന്നും ഭണ്ഡാരി പറഞ്ഞു.
