മെക്സിക്കോ സിറ്റി: ലോകകപ്പ് ഫുട്ബോളില് നാളെ വെളുപ്പിന് 6.30ന് നടക്കാനിരിക്കുന്നത് മെക്സിക്കോയും ഇക്വഡോറും തമ്മിലുള്ള അത്യുഗ്രന് പോരാട്ടം. ആതിഥേയരായ മെക്സിക്കോ സ്വന്തം നാട്ടിലെ അസ്റ്റേക്ക സ്റ്റേഡിയത്തിലാണ് ഇക്വഡോറിനെതിരെ ഇറങ്ങുന്നത്.
രണ്ട് ടീമുകളും മികച്ച ഫോമിലുള്ളത്തിനാല് ഈ മത്സരം പ്രവചനങ്ങള്ക്കതീതമായാണ്. പ്രാഥമിക റൗണ്ടില് ഗ്രൂപ്പ് എയില് നിന്ന് ജേതാക്കളായാണ് മെക്സിക്കോ നോക്കൗട്ടിലെത്തിയത്. ആദ്യ മത്സരത്തില് ദക്ഷിണാഫ്രിക്കയെ തോല്പ്പിച്ച മെക്സിക്കോ. രണ്ടാം മത്സരത്തില് ദക്ഷിണ കൊറിയയെയും തൊട്ടടുത്ത മത്സരത്തില് ചെക്ക് റിപ്പബ്ലിക്കിനെയും കീഴടക്കിയാണ് ഒമ്പത് പോയിന്റോടെ ഗ്രൂപ്പ് ഘട്ടത്തില് ഒന്നാം സ്ഥാനക്കാരായി മുന്നേറിയത്. ലോകകപ്പ് ചരിത്രത്തില് ആദ്യമായാണ് മെക്സിക്കോ പ്രാഥമിക റൗണ്ടില് എല്ലാ മത്സരങ്ങളും ജയിക്കുന്നത്.
ഗ്രൂപ്പ് ഇയില് നിന്ന് മികച്ച മൂന്നാം സ്ഥാനക്കാരായാണ് ഇക്വഡോര് നോക്കൗട്ടിലെത്തിയിരിക്കുന്നത്. ഗ്രൂപ്പ് ഘട്ടത്തിലെ നിര്ണായക പോരാട്ടത്തില് ജര്മനിയെ തോല്പ്പിച്ചുകൊണ്ടാണ് ഇക്വഡോര് നോക്കൗട്ടില് കടന്നത്. ആദ്യ കളിയില് ഐവറി കോസ്റ്റിനോട് പരാജയപ്പെട്ട ഇക്വഡോര് രണ്ടാം മത്സരത്തില് കുറസാവോയുമായി സമനിലയില് കരുങ്ങിയിരുന്നു.
