കൊച്ചി : തട്ടിപ്പ് കേസ് റദ്ദാക്കണമെന്നാവശ്യപ്പെട്ട് ഹൈക്കോടതിയെ സമീപിച്ച സംവിധായകന് ജിസ് ജോയിക്കും മെന്റലിസ്റ്റ് ആദിക്കും തിരിച്ചടി.ഇന്സോംനിയ എന്ന പരിപാടിയുടെ പേരില് 35 ലക്ഷം തട്ടിച്ചു എന്ന കേസ് റദ്ദാക്കണമെന്നാവശ്യപ്പെട്ട് ഇരുവരും സമര്പ്പിച്ച ഹര്ജി ഹൈക്കോടതി തള്ളി.
കേസില് ഒത്തുതീര്പ്പിനില്ലെന്ന് പരാതിക്കാരന് അറിയിച്ചതോടെയാണ് ഹര്ജി ഹൈക്കോടതി തള്ളിയത്.ഇന്സോംനിയ എന്ന പരിപാടി സംഘടിപ്പിക്കുന്നതിലെ ലാഭവിഹിതം വാഗ്ദാനം ചെയ്ത് പണം തട്ടിയെന്ന് കാട്ടിയാണ് കൊച്ചി സ്വദേശി ബെന്നി വാഴപ്പള്ളി ജിസ് ജോയിക്കും ആദിക്കുമെതിരെ പൊലീസില് പരാതി നല്കിയത്.
ഇന്സോംനിയയില് പണം നിക്ഷേപിച്ചാല് മുടക്കുമുതലും ലാഭത്തിന്റെ മൂന്നിലൊന്നും നല്കാമെന്ന് ജിസ് ജോയിയും ആദിയും വാഗ്ദാനം ചെയ്തായി ബെന്നിയുടെ പരാതിയില് പറയുന്നു. എന്നാല് ലാഭവിഹിതമോ മുടക്കുമുതലോ പിന്നീട് തിരികെ കിട്ടിയില്ല. തുടര്ന്നാണ് ബെന്നി എറണാകുളം സെന്ട്രല് പൊലീസില് പരാതി നല്കിയത്.
