ഹൂസ്റ്റണ്: പോര്ച്ചുഗലിന്റെ 5-0 വിജയത്തിന് ശേഷം നടന്ന മാധ്യമസമ്മേളനത്തില് ലയണല് മെസിയെക്കുറിച്ച് നിരന്തരം ചോദ്യമുന്നയിച്ച മാധ്യമപ്രവര്ത്തകര്ക്ക് കാര്യമായ മറുപടി നല്കാതെ ക്രിസ്റ്റ്യാനോ റൊണാള്ഡോ.
മത്സരശേഷം ഒരു മാധ്യമപ്രവര്ത്തകന് റൊണാള്ഡോയോട് തന്റെ ദീര്ഘകാല എതിരാളിയായ ലയണല് മെസിയെക്കുറിച്ച് ചോദ്യം ചോദിക്കാന് ശ്രമിച്ചു. മെസ്സിയുടെ പ്രകടനത്തെക്കുറിച്ചുള്ള ചോദ്യം ആരംഭിച്ചപ്പോള്ത്തന്നെ റൊണാള്ഡോ അടുത്ത ചോദ്യം എന്ന് പറഞ്ഞ് അത് ഒഴിവാക്കുകയായിരുന്നു. ഗോള്ഡന് ബൂട്ട് പോരാട്ടത്തില് മെസ്സി, കിലിയന് എംബാപ്പെ, എര്ലിങ് ഹാലന്ഡ് എന്നിവരെക്കുറിച്ചു ചോദിച്ചപ്പോള് അദ്ദേഹം അതില് വിശദമായി പ്രതികരിച്ചില്ല. വ്യക്തിഗത താരതമ്യങ്ങളേക്കാള് പോര്ച്ചുഗലിന്റെ വിജയവും ടീമിന്റെ മുന്നേറ്റവുമാണ് ഇപ്പോള് പ്രധാനം. ആദ്യ മത്സരത്തിനുശേഷം തനിക്കെതിരെയും പരിശീലകനായ റോബര്ട്ടോ മാര്ട്ടിനസിനെതിരെയും വലിയ വിമര്ശനമുണ്ടായിരുന്നുവെന്നും, അതിന് മൈതാനത്ത് മറുപടി നല്കി കഴിഞ്ഞു. -റോണൊ പറഞ്ഞു. ലോകകപ്പിന്റെ നോക്കൗട്ട് ഘട്ടത്തില് പോര്ച്ചുഗലും അര്ജന്റീനയും ഏറ്റുമുട്ടാന് സാധ്യതയുണ്ടെന്ന ചോദ്യത്തിന് അദ്ദേഹം ‘അത് അതിഗംഭീരമായിരിക്കും’ എന്ന് പ്രതികരിച്ചു. ലോകഫുട്ബോളിലെ ഏറ്റവും വലിയ വൈരികളായ മെസ്സിയും റൊണാള്ഡോയും ഒരു പ്രധാന അന്താരാഷ്ട്ര ടൂര്ണമെന്റില് ഇതുവരെ നേര്ക്കുനേര് വന്നിട്ടില്ല എന്നതും ശ്രദ്ധേയമാണ്.
റൊണാള്ഡോ മെസ്സിയെ അവഗണിക്കുകയോ വിമര്ശിക്കുകയോ ചെയ്തില്ല. പക്ഷേ, മാധ്യമങ്ങള് വീണ്ടും ‘മെസി-റൊണാള്ഡോ’ ചര്ച്ചയിലേക്ക് സംഭാഷണം ചുരുക്കാന് ശ്രമിച്ചപ്പോള്, തന്റെ ചരിത്രനേട്ടത്തിലും പോര്ച്ചുഗലിന്റെ വിജയത്തിലുമാണ് ശ്രദ്ധ കേന്ദ്രീകരിക്കേണ്ടതെന്ന് കരുതി അദ്ദേഹം ആ ചോദ്യങ്ങള് ഒഴിവാക്കുകയായിരുന്നു.
