പൂനെ: ഭര്ത്താവിനെ ബഹുമാനിക്കുകയോ കുടുംബം പോറ്റുകയോ ചെയ്യാത്ത ഭാര്യയില് നിന്ന് കുട്ടിയുടെ കസ്റ്റഡി ഭര്ത്താവിനെ ഏല്പ്പിച്ച് പൂനെ കുടുംബ കോടതിയുടെ വിധി. ‘ഭര്ത്താവിനെയും കുടുംബത്തെയും തന്റെ ഏഴ് തലമുറയിലെ ശത്രുക്കളെപ്പോലെ’ കരുതുന്ന ഒരു സ്ത്രീയില് കുട്ടിയുടെ ഭാവി സുരക്ഷിതമല്ലെന്ന് ജഡ്ജി കോടതി നിരീക്ഷിച്ചു. ദാമ്പത്യ മൂല്യങ്ങള് യുവതിക്ക് ‘അന്യമായ പദങ്ങള്’ പോലെയാണ് തോന്നുന്നതെന്ന് കോടതി വിലയിരുത്തി.
യുവതി ഭര്ത്താവിനെക്കുറിച്ച് കുട്ടിയോട് മോശമായ പരാമര്ശങ്ങള് നടത്തുന്നുണ്ടെന്നും അത് അദ്ദേഹവുമായുള്ള കുട്ടിയുടെ ബന്ധത്തെ ശാശ്വതമായി തകര്ക്കുമെന്നും കോടതി നിഗമനത്തിലെത്തി . ദാമ്പത്യപ്രശ്നങ്ങള് പരിഹരിക്കുന്നതിനേക്കാള് നിയമപോരാട്ടങ്ങള് നടത്തുന്നതിനാണ് സ്ത്രി കൂടുതല് താല്പ്പര്യം കാണിക്കുന്നതെന്ന് കോടതി കണ്ടു. ഭര്ത്താവില് നിന്ന് സാമ്പത്തിക സഹായം ആവശ്യപ്പെട്ട അവര് അനുരഞ്ജനത്തിന് ഒരു സന്നദ്ധതയും കാണിച്ചില്ല, പകരം ശത്രുതാപരമായി ഒരു എതിരാളിയെപ്പോലെയാണ് പെരുമാറിയതെന്നും കോടതി ചൂണ്ടിക്കാട്ടി. ഇത് കുട്ടിയില് വലിയ മാനസിക സമ്മര്ദ്ദത്തിന് കാരണമാകുന്നുണ്ടെന്ന് കോടതി വിലയിരുത്തി.
