ആലപ്പുഴ: പിണറായി വിജയന് മുഖ്യമന്ത്രി ആയിരിക്കെ നടത്തിയ നവകേരള യാത്രക്കിടെ യൂത്ത് കോണ്ഗ്രസ് നേതാക്കളെ മര്ദിച്ച കേസിലെ അന്വേഷണ റിപ്പോര്ട്ട് ഡിജിപിക്ക് കൈമാറി. എസ്പി ഷൗക്കത്തലി ആണ് റിപ്പോര്ട്ട് കൈമാറിയത്.
ആദ്യ അന്വേഷണത്തില് അട്ടിമറി നടന്നതായി റിപ്പോര്ട്ടില് സ്ഥിരീകരിക്കുന്നുണ്ട്. എ.ഡി.ജി.പി എംആര് അജിത് കുമാറിന്റെ നിര്ദ്ദേശാനുസരണമാണ് തിരുത്തല് നടത്തിയതെന്നും തെളിവില്ലന്ന് വരുത്തി പ്രതികളെ രക്ഷിക്കാന് ശ്രമം നടന്നുവെന്നും റിപ്പോര്ട്ടിലുണ്ട്. മുന് അന്വേഷണ സംഘാംഗങ്ങളുടെ മൊഴിയാണ് ഉള്പ്പെടുത്തിയത്. അജിത് കുമാര് എ.ഡി.ജി.പി ഓഫീസിലേക്ക് വിളിച്ചു വരുത്തി റിപ്പോര്ട്ട് തിരുത്താന് നിര്ദേശിച്ചെന്നാണ് മൊഴി.
2023 ഡിസംബറിലാണ് പിണറായി വിജയന് മുഖ്യമന്ത്രിയായിരിക്കെ നടത്തിയ നവകേരള യാത്രയ്ക്കിടെ ആലപ്പുഴയില് വെച്ച് കരിങ്കൊടി കാട്ടിയ പ്രവര്ത്തകരെ ഗണ്മാന്മാനും സുരക്ഷാ ഉദ്യോഗസ്ഥരും ചേര്ന്ന് മര്ദ്ദിച്ചത്. കേസില് മുന് മുഖ്യമന്ത്രി പിണറായി വിജയന്റെ ഗണ്മാന് അനില് കല്ലിയൂര്, സന്ദീപ് എസ്, വിപിന്, അരുണ്, ഷൈജു എന്നിവര്ക്ക് കേസില് മുന്കൂര് ജാമ്യം ലഭിച്ചിരുന്നു. പ്രതികളെ എസ്ഐടി മൂന്ന് ദിവസം ചോദ്യം ചെയ്യുകയുണ്ടായി.
