മേടക്കൂറ്: അശ്വതി, ഭരണി, കാര്‍ത്തിക (1/4)
ടെസ്റ്റുകളിലും ഇന്റര്‍വ്യൂകളിലും വിജയമുണ്ടാകും. നഴ്സിങ്ങുമായി ബന്ധപ്പെട്ടവര്‍ക്ക് നേട്ടമുണ്ടാകും. കര്‍മവ്യാപാര മണ്ഡലങ്ങളില്‍ നല്ല ഉയര്‍ച്ചയുണ്ടാകും. ആലോചനപൂര്‍വമല്ലാത്ത സംസാരം വഴി പ്രശ്നങ്ങള്‍ ഉളവാകാതിരിക്കാന്‍ ശ്രദ്ധിക്കണം. സാമ്പത്തിക നില ഉയരും. പരസ്യം മുഖേന ആദായം ലഭിക്കും.
ഇടവക്കൂറ്: കാര്‍ത്തിക (3/4), രോഹിണി, മകയിരം (1/2)
പൂര്‍വികസ്വത്ത് കൈവശം വന്നുചേരും. മനസ്സിന് ഉന്മേഷവും, കാര്യങ്ങളില്‍ പുരോഗതിയുമുണ്ടാകും. ഉന്നതരായ വ്യക്തികളില്‍നിന്ന് നേട്ടങ്ങള്‍ ഉണ്ടാകും. ചെറുയാത്രകള്‍, ഉല്ലാസയാത്രകള്‍ എന്നിവ നടത്തും. എന്‍ജിനീയറിങ്, കമ്പ്യൂട്ടര്‍ മുതലായവയില്‍ പ്രവര്‍ത്തിക്കുന്നവര്‍ക്ക് നല്ല സമയമാണ്.
മിഥുനക്കൂറ്: മകയിരം (1/2), തിരുവാതിര, പുണര്‍തം (3/4)
സഹോദരങ്ങള്‍, മാതുലന്‍ എന്നിവരില്‍നിന്ന് സഹായ സഹകരണങ്ങള്‍ ഉണ്ടാകും. വിദ്യാഭ്യാസരംഗത്ത് പ്രവര്‍ത്തിക്കുന്നവര്‍ക്ക് പ്രമോഷന്‍ സാധ്യത തെളിഞ്ഞുവരും. രോഗികള്‍ക്ക് ആശ്വാസം ലഭിക്കും. ഇന്‍ഷുറന്‍സ്, പ്രോമിസറിനോട്ട് എന്നിവയില്‍നിന്ന് പണം ഈടായിക്കിട്ടും.
കര്‍ക്കടകക്കൂറ്: പുണര്‍തം (1/4), പൂയം, ആയില്യം
ഭൂമി വില്‍പ്പനയില്‍ വന്‍തോതിലുള്ള വരുമാനവര്‍ധന ഉണ്ടാകും. പ്രമോഷന്‍ ലഭിക്കും. ഏറ്റെടുത്ത സംഗതികളിലെല്ലാം വിജയം കൈവരിക്കും. പത്രപ്രവര്‍ത്തകര്‍ക്ക് അനുകൂല സമയമാണ്. കാര്‍ഷികാദായം വര്‍ധിക്കും. പിതൃസ്വത്തിന്‍മേല്‍ അവകാശതര്‍ക്കമുണ്ടാകും. സര്‍ക്കാര്‍ ആനുകൂല്യങ്ങള്‍ ലഭിക്കും.
ചിങ്ങക്കൂറ്: മകം, പൂരം, ഉത്രം (1/4)
യുവജനങ്ങളുടെ വിവാഹകാര്യം തീരുമാനമാകും. വിദ്യാഭ്യാസ കാര്യങ്ങളില്‍ പുരോഗതിയുണ്ടാകും. സാമ്പത്തികനേട്ടത്തിനായി അധ്വാനിച്ച് പ്രവര്‍ത്തിക്കും. തൊഴില്‍രംഗത്ത് പുരോഗതിയുണ്ടാകും. എഴുത്തുകാര്‍ക്കും പത്രപ്രവര്‍ത്തകര്‍ക്കും വരുമാനം വര്‍ധിക്കുന്നതോടൊപ്പം കീര്‍ത്തിയും ഉണ്ടാകുന്നതാണ്.
കന്നിക്കൂറ്: ഉത്രം (3/4), അത്തം, ചിത്തിര (1/2)
ഷെയറില്‍നിന്നുള്ള വരുമാനം വര്‍ധിക്കും. കടബാധ്യതകള്‍ തീര്‍ക്കാനിടവരും. കുടുംബത്തിലെ വിഷമതകളും അഭിപ്രായ വ്യത്യാസങ്ങളും ഒരളവോളം അവസാനിക്കും. ശത്രുക്കളുടെ പ്രവര്‍ത്തനത്തെ പരാജയപ്പെടുത്തും. വിദ്യാഭ്യാസത്തില്‍ തോല്‍വി ഉണ്ടാകാനിടയുണ്ട്. സര്‍ക്കാര്‍ ആനുകൂല്യങ്ങള്‍ ലഭിക്കും.
തുലാക്കൂറ്: ചിത്തിര (1/2), ചോതി, വിശാഖം (3/4)
സാമ്പത്തികമായി മെച്ചമുണ്ടാകുമെങ്കിലും സ്വന്തം ആള്‍ക്കാരുമായി ഇടയാനുള്ള സന്ദര്‍ഭമുണ്ടാകും. ദൂരയാത്രകള്‍ താല്‍ക്കാലികമായി നിര്‍ത്തിവെക്കേണ്ടിവരും. വൈദ്യുതവസ്തുക്കളുമായോ പ്രവൃത്തിയുമായോ ബന്ധപ്പെട്ടവര്‍ക്ക് അനുകൂല സമയമാണ്. വിദ്യാവിനോദങ്ങളില്‍ താല്‍പര്യം പ്രകടിപ്പിക്കും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
വാഹനങ്ങള്‍ മുഖേന നേട്ടമുണ്ടാകും. പണം കൈകാര്യം ചെയ്യുമ്പോള്‍ നല്ല ശ്രദ്ധ വേണം. പാര്‍ട്ണര്‍ മുഖേന കിട്ടേണ്ട പണം കിട്ടാന്‍ താമസം നേരിടും. എതിര്‍പ്പുകളെ അതിജീവിക്കുവാന്‍ ശ്രമിക്കും. സര്‍ക്കാര്‍ ആനുകൂല്യങ്ങള്‍ ലഭിക്കും. സ്ത്രീജനങ്ങളില്‍നിന്ന് സഹായം ലഭിക്കും.
ധനുക്കൂറ്: മൂലം, പൂരാടം, ഉത്രാടം (1/4)
ജനമധ്യത്തില്‍ അംഗീകാരം ലഭിക്കും. ശാരീരികാരോഗ്യം തൃപ്തികരമായിരിക്കും. ഹര്‍ജികളും നിവേദനങ്ങളും മാനിക്കപ്പെടും. പോലീസ്, പട്ടാളം എന്നീ മേഖലയിലുള്ളവര്‍ക്ക് പ്രമോഷന്‍ സാധ്യതയുണ്ട്. കുടുംബത്തില്‍ സമാധാനമുണ്ടാകും. നല്ല സുഹൃത്തുക്കളെ സമ്പാദിക്കാന്‍ കഴിയും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
പരസ്യങ്ങള്‍, ഏജന്‍സി ഏര്‍പ്പാടുകള്‍ തുടങ്ങിയവ മുഖേന ആദായം പ്രതീക്ഷിക്കാം. ആഭരണ വ്യാപാരികള്‍ക്ക് ഈ സന്ദര്‍ഭം വളരെ അനുകൂലമാണ്. തന്നിലും പ്രായമുള്ളവര്‍ മുഖേന നേട്ടമുണ്ടാകും. ദൂരയാത്രകള്‍ക്ക് അവസരമുണ്ടാകും. മകന്റെ ജോലിക്കുവേണ്ടി യത്നിക്കും. വീട്ടില്‍ ചില മംഗളകര്‍മങ്ങള്‍ നടക്കും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
പല കാര്യങ്ങളിലും ത്യാഗസന്നദ്ധത പ്രകടിപ്പിക്കും. ചില ദൈവികകര്‍മങ്ങള്‍ നിര്‍വഹിക്കും. ബാങ്കുകളിലും സര്‍വീസ് സംഘടനകളിലും മറ്റും ജോലിക്ക് ശ്രമിക്കുന്നവര്‍ക്ക് ആ ശ്രമം സാധിക്കും. ഷെയറുകളില്‍ നല്ല രീതിയില്‍ വരുമാനം വര്‍ധിക്കും. സ്ത്രീജനങ്ങള്‍ക്ക് മനസ്സന്തോഷവും കുടുംബ സൗഖ്യവും ഫലമാണ്.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
കുടുംബസ്വത്തുക്കള്‍ കൈാര്യം ചെയ്യാനവസരമുണ്ടാകും. നിരവധി കാലമായി വെച്ചുപുലര്‍ത്തുന്ന പ്രധാന ആഗ്രഹങ്ങള്‍ സാധിക്കും. വൃദ്ധജനങ്ങള്‍ക്ക് മജ്ജ സംബന്ധമായ അസുഖങ്ങള്‍ പിടിപെട്ടേക്കും. കുടുംബ ജീവിതം സുഖകരമായിരിക്കും. ദൈവിക ചടങ്ങുകളില്‍ പങ്കെടുക്കും. ടെസ്റ്റുകളിലും ഇന്റര്‍വ്യുകളിലും വിജയിക്കും.
