ബെംഗളൂരു:മഡിവാളയില് മലയാളി യുവാക്കളെ ഭീഷണിപ്പെടുത്തി 20 ലക്ഷം രൂപ തട്ടിയെടുത്തെന്ന് പരാതി.ഒരു ഹോട്ടലില് വച്ച് പൊലീസ് ജീപ്പിലെത്തിയ രണ്ടംഗ സംഘമാണ് കവര്ച്ച നടത്തിയത്.ഇവരുടെ കൈയില് പൊലീസിന്റെ തിരിച്ചറിയല് കാര്ഡ് ഉണ്ടായിരുന്നുവെന്നും പരാതിയില് പറയുന്നു.
മഡിവാള ഇന്സ്പെക്ടര് അയച്ചതാണെന്ന് പറഞ്ഞ് എത്തിയ രണ്ട് പേര് യുവാക്കളുമായി സംസാരിക്കുകയും തുടര്ന്ന് ഇവരെ ഭീഷണിപ്പെടുത്തി പണം കവരുകയുമായിരുന്നു.അക്രമിസംഘം എത്തിയ വാഹനത്തിന്റെ ചത്രങ്ങള് യുവാക്കള് ഫോണില് പകര്ത്തിയിരുന്നു.
ബംഗളൂരു ക്രൈം ബ്രാഞ്ചിലെ ഒരു ഉദ്യോഗസ്ഥന്റെ നേതൃത്വത്തിലാണ് കവര്ച്ചയെന്നാണ് പ്രാഥമിക വിവരം.ആരോപണവിധേയനായ ഇന്സ്പെക്ടറുടെ ഫോണ് സ്വിച്ച് ഓഫ് ചെയ്ത നിലയിലാണ്.അതിനിടെ, സംഭവത്തില് ഒരാളെ പൊലീസ് കസ്റ്റഡിയില് എടുത്തതായി സൂചനയുണ്ട്.
ഇന്സ്പെക്ടര്ക്കെതിരെ നടപടി ഉണ്ടാകുമെന്ന് കമ്മീഷണര് വ്യക്തമാക്കി.
