കണ്ണൂര്:പാനൂരില് കോളേജിലെ ഗസ്റ്റ് അധ്യാപിക ആത്മഹത്യ ചെയ്ത സംഭവത്തില് ആണ്സുഹൃത്ത് പിടിയില്. കേസെടുത്തതിന് പിന്നാലെ ഒളിവില് പോയ ശരണിനെ കണ്ണൂരിലെ വീടിന് സമീപത്ത് നിന്നാണ് പൊലീസ് പിടികൂടിയത്. ബസ് സ്റ്റാന്റില് വച്ച് ഇയാള് മര്ദിച്ചതിന് പിന്നാലെയാണ് അധ്യാപിക ജീവനൊടുക്കിയത്.
യുവതിയുടെ ആത്മഹത്യയില് അന്വേഷണം ആവശ്യപ്പെട്ട് കുടുംബം രംഗത്തെത്തി.ആണ്സുഹൃത്തിനെതിരെ ആരോപണമുയര്ന്നതിനെ തുടര്ന്നാണ് പൊലീസ് കേസെടുത്തത്. മൊകേരി വള്ളങ്ങാട് സ്വദേശി ആദിത്യ കഴിഞ്ഞ് 14നാണ് വീട്ടില് വച്ച് ആത്മഹത്യയ്ക്ക് ശ്രമിച്ചത്. കണ്ണൂരിലെ സ്വകാര്യ ആശുപത്രിയില് ചികിത്സയിലിരിക്കെ ഇന്നലെ മരിച്ചു.
കണ്ണൂര് സര്വകലാശാലയില് ഗസ്റ്റ് അധ്യാപികയായിരുന്ന ആദിത്യയും ശരണും ഏറെക്കാലമായി പ്രണയത്തിലായിരുന്നുവെന്നും വിവാഹം കഴിക്കാന് തീരുമാനിച്ചിരുന്നതായും നാട്ടുകാര് പറഞ്ഞു. എന്നാല് ഈ മാസം എട്ടിന് തലശേരി പഴയ ബസ് സ്റ്റാന്ഡില് വച്ച് ഇയാള് ആദിത്യയെ മര്ദിച്ചുവെന്നും അതിലുള്ള മനോവിഷമത്തിലാണ് ആത്മഹത്യയ്ക്ക് ശ്രമിച്ചതെന്നുമാണ് കുടുംബത്തിന്റെ പരാതി.
