തിരുവനന്തപുരം:സംസ്ഥാന സെക്രട്ടേറിയേറ്റ് പിരിച്ചുവിടണമെന്ന് സിപിഐയില് വീണ്ടും ആവശ്യം. സംസ്ഥാന കൗണ്സിലിലാണ് ഈ ആവശ്യം ഉണ്ടായത്.
സ്ഥാനാര്ത്ഥി നിര്ണയത്തില് സെക്രട്ടേറിയറ്റ് സ്വജനപക്ഷപാതം നടത്തിയെന്ന് ആരോപണമുയര്ന്നു. സംസ്ഥാന സെക്രട്ടറി ബിനോയ് വിശ്വം അപക്വമായ പ്രസ്താവനകള് നിര്ത്തണം.രാജാവിനെ പോലെയാണ് പിണറായി വിജയന് പെരുമാറിയതെന്നും എല്.ഡി.എഫ് ജനങ്ങളില് നിന്ന് ഒറ്റപ്പെട്ടെന്നും വിമര്ശനമുണ്ടായി.
സെക്രട്ടേറിയറ്റിന്റെ വിശ്വാസ്യത നഷ്ടപ്പെട്ടെന്നും ജനാധിപത്യ കേന്ദ്രീകരണം എന്ന് പറഞ്ഞിട്ട് ഇപ്പോള് പാര്ട്ടിയില് ജനാധിപത്യമില്ല കേന്ദ്രീകരണം മാത്രമേയുള്ളൂവെന്നും സംസ്ഥാന കൗണ്സിലില് വിമര്ശനമുയര്ന്നു. ആശാ സമരം രക്ഷാപ്രവര്ത്തനം എന്നിവയെ കുറിച്ച് സംഭവം നടക്കുമ്പോള് അഭിപ്രായം പറയുന്നതായിരുന്നു ഉചിതമെന്നും വിമര്ശനം ഉണ്ടായി.
മുന്നണിക്ക് ഇടതുമുല്യങ്ങള് നഷ്ടപ്പെട്ടു. ക്ഷേമപെന്ഷന് കൊടുത്തിട്ട് കാര്യമില്ല. ജനങ്ങളോട് നന്നായി പെരുമാറണം. ധാര്ഷ്ട്യം നിറഞ്ഞ ശൈലിക്കേറ്റ തിരിച്ചടി കൂടിയാണ് തോല്വിയെന്ന് സംസ്ഥാന കൗണ്സിലില് അഭിപ്രായമുണ്ടായി. സംസ്ഥാന നേതൃത്വം പിന്തുടരുന്നത് മാര്ക്സിസമല്ല സ്റ്റാലിനിസമാണെന്നും അംഗങ്ങള് വിമര്ശിച്ചു.
