ലോസ് ആഞ്ചലസ്: ഫിഫ ലോകകപ്പ് ഫുട്ബോള് മത്സരം കളിക്കാനെത്തിയ ഇറാന് ടീമിനോട് മത്സരം തീര്ന്ന ഉടന് തന്നെ ബേസ് കാമ്പിലേക്ക് തിരിച്ചുപോകണമെന്ന് ഉത്തരവിട്ടതായി റിപ്പോര്ട്ട്. ഇറാന് പരിശീലകന് അമീര് ഘലനോയി ആണ് ഇക്കാര്യം വ്യക്തമാക്കിയത്. ഒരു മത്സരം തീര്ന്നാല് ടീം അംഗങ്ങള്ക്ക് ആവശ്യമായ വിശ്രമവും പരിചരണവും വേണം അതിനായി നിശ്ചിത സമയം മത്സരത്തിന്റെ നിബന്ധന പ്രകാരമുള്ളതാണ്. ആ സമയം കഴിയും മുമ്പേ ലോകകപ്പില് പങ്കെടുക്കുന്നതിനായി ഞങ്ങള് കഴിയുന്ന മെക്സിക്കോയിലുള്ള ബേസ് ക്യാമ്പിലേക്ക് തിരിക്കാനാണ് ആജ്ഞാപിച്ചിരിക്കുന്നത്. മെക്സിക്കോയിലെ ടിജ്വാനയിലാണ് ഇറാന്റെ ലോകകപ്പ് ബേസ് ക്യാമ്പ്.
ലോസ് ആഞ്ചലസില് നടന്ന മത്സരം അവസാനിക്കുമ്പോള് രാത്രി പതിനൊന്ന്. ഈ സമയത്ത് ~ൈറ്റ് ലഭ്യമാണോ എന്ന് പോലും ചിന്തിക്കാതെയാണ് ഇങ്ങനെയൊരു ആജ്ഞയുമായി അമേരിക്കന് അധികൃതര് സമീപിച്ചതെന്ന് കോച്ച് പറഞ്ഞു. ലോസ് ആഞ്ചലസില് നിന്ന് ടിജ്വാനയിലേക്ക് 200 കിലോമീറ്ററിലേറെ ദുരമുണ്ട്. ~ൈറ്റ് യാത്രയ്ക്ക് മാത്രം 45 മിനിറ്റെങ്കിലും വേണ്ടിവരും.
ഫെബ്രുവരിയില് യുദ്ധം ആരംഭിച്ചത് മുതല് ഇറാന്റെ ലോകകപ്പ് സൈക്കിള് അവതാളത്തിലാണെന്നും ഇന്നും സ്വസ്ഥമാകാന് സാധിച്ചിട്ടില്ലെന്നും കോച്ച് ഘലനോയി വ്യക്തമാക്കി.
അതേസമയം, മത്സരത്തിനിടെ ഞങ്ങള്ക്ക് വളരെയധികം പിന്തുണയാണ് കാണികളില് നിന്ന് ലഭിച്ചത്. മത്സരം ഒരുപക്ഷേ ഹോം ഗ്രൗണ്ടിലാണെന്ന പ്രതീതി വരെ ഉണ്ടായി. പക്ഷെ കളി സമനിലയില് പിരിഞ്ഞത് നിരാശപ്പെടുത്തിയെന്നും കോച്ച് പറഞ്ഞു. ഗ്രൂപ്പ് ജിയില് നടന്ന ഇറാന്-ന്യൂസിലന്ഡ് മത്സരം 2-2 സമനിലയില് പിരിഞ്ഞു.
