കൊച്ചി: ഒരു തന്ത്രി സമൂഹത്തില് എങ്ങിനെയായിരിക്കണമെന്നതിന്റെ ഉദാത്ത മാതൃകയായിരുന്നു അന്തരിച്ച മൂത്തകുന്നം അനിരുദ്ധന് തന്ത്രികളെന്ന് ഹിന്ദു ഐക്യവേദി സംസ്ഥാന രക്ഷാധികാരി കെ.പി. ശശികല ടീച്ചര് അനുശോചന സന്ദേശത്തില് പറഞ്ഞു. ആചാരാനുഷ്ഠാനങ്ങളില് കൃത്യതയും ആത്മീയ കാര്യങ്ങളില് അഗാധമായ അറിവും പുലര്ത്തിയിരുന്ന അനിരുദ്ധന് തന്ത്രികള്, താന്ത്രിക പാരമ്പര്യത്തിന്റെ മഹത്വം ഉയര്ത്തിപ്പിടിച്ച വ്യക്തിത്വമായിരുന്നുവെന്ന് അവര് പറഞ്ഞു. വിനയവും ലാളിത്യവും ജീവിതത്തിന്റെ ഭാഗമാക്കിയ അദ്ദേഹം സമൂഹത്തിന്റെ ആദരവും വിശ്വാസവും ഒരുപോലെ നേടി.
ക്ഷേത്രാചാരങ്ങളുടെയും സനാതന ധര്മ മൂല്യങ്ങളുടെയും സംരക്ഷണത്തിനായി ജീവിതം സമര്പ്പിച്ച അനിരുദ്ധന് തന്ത്രികളുടെ വേര്പാട് തന്ത്രി സമൂഹത്തിനും വിശ്വാസി സമൂഹത്തിനും തീരാനഷ്ടമാണെന്നും ശശികല ടീച്ചര് വ്യക്തമാക്കി.
