തൃശൂര്: ആഭ്യന്തര മന്ത്രി രമേശ് ചെന്നിത്തല പങ്കെടുത്ത ഓപ്പറേഷന് തൂഫാന്റെ പരിപാടിയില് ഗുണ്ടാ നേതാവ് പങ്കെടുത്തതില് വിവാദം. ഒല്ലൂര് സ്വദേശി ജിത്തു മോനാണ് കഴിഞ്ഞദിവസം തൃശൂരില് മന്ത്രിയുടെ പരിപാടിയില് പങ്കെടുത്തത്. തൃശൂര് സെന്റ് തോമസ് കോളേജില് നടന്ന ലഹരി വിരുദ്ധ ബോധവല്ക്കരണ പരിപാടിയിലാണ് ഇയാള് പങ്കെടുത്തത്.
നിരവധി ക്രിമിനല് കേസുകളിലെ പ്രതിയാണ് ജിത്തുമോന്. പരിപാടിയുടെ പ്രധാനപ്പെട്ട ദൃശ്യങ്ങള് റീല്സാക്കി പോസ്റ്റ് ചെയ്തതോടെയാണ് സംഭവം വിവാദമായത്. പരിപാടിയില് പങ്കെടുത്ത നേതാക്കള്ക്കും പൊലീസ് ഉദ്യോഗസ്ഥര്ക്കുമൊപ്പം വളരെ അടുപ്പമുള്ളത് പോലെ ജിത്തുമോന് ഇടപെടുന്നതും റീല്സില് കാണാം.
റീല്സ് വിവദമായതോടെ സംഭവത്തില് ഇന്റലിജന്സ് വിഭാഗം അന്വേഷണം ആരംഭിച്ചെന്നാണ് വിവരം. ജിത്തു മോനെ ഒല്ലൂര് പൊലീസ് സ്റ്റേഷനിലേക്ക് വിളിപ്പിച്ച് ചോദ്യം ചെയ്തു. മറ്റാരോ ആണ് വിഡിയോ ഷൂട്ട് ചെയ്തതെന്ന് ഇയാള് പൊലീസിനോട് പറഞ്ഞതായാണ് റിപ്പോര്ട്ട്.
