തിരുവനന്തപുരം:കശുവണ്ടി വികസന കോര്പറേഷന് അഴിമതിയില് പ്രതികള്ക്കെതിരെ പ്രോസിക്യൂഷന് അനുമതി നിഷേധിച്ച വ്യവസായ വകുപ്പ് മുന് പ്രിന്സിപ്പല് സെക്രട്ടറി മുഹമ്മദ് ഹനീഷിനെതിരായ കോടതിയലക്ഷ്യ നടപടികള് തുടരാമെന്ന് ഹൈക്കോടതി ഡിവിഷന് ബെഞ്ച്. ഹനീഷ് നേരിട്ട് ഹാജരായി കോടതിയലക്ഷ്യ നടപടികള് നേരിടണമെന്ന് സിംഗിള് ബെഞ്ച് നേരത്തെ ഉത്തരവിട്ടിരുന്നു. ഇത് ചോദ്യം ചെയ്ത് ഹനീഷ് നല്കിയ ഹര്ജിയാണ് ഡിവിഷന് ബെഞ്ച് തളളിയത്.
വെളളിയാഴ്ച ഹനീഷ് സിംഗിള് ബെഞ്ച് മുമ്പാകെ ഹാജരാകണമെന്ന് ഡിവിഷന് ബെഞ്ച് പറഞ്ഞു.തെളിവുകള് ഇല്ലാത്തതിനാലാണ് പ്രോസിക്യൂഷന് അനുമതി നിഷേധിച്ചത് എന്ന് മുഹമ്മദ് ഹനീഷ് കോടതിയില് പറഞ്ഞു.
എന്നാല് കോടതി കണ്ടെത്തലുകളെ മറികടന്ന് തെളിവുകള് ഇല്ലെന്ന് ഒരു ഉദ്യോഗസ്ഥന് എങ്ങനെ പറയാന് കഴിയുമെന്ന് ഡിവിഷന് ബെഞ്ച് ചോദിച്ചു.
