ന്യൂദല്ഹി : ജൂണ് 21 ന് നടക്കുന്ന നീറ്റ് (യുജി) പരീക്ഷ കൂടുതല് സുഗമമാക്കുന്നതിനുള്ള നടപടികള് പ്രഖ്യാപിച്ച് നാഷണല് ടെസ്റ്റിംഗ് ഏജന്സി. പരീക്ഷാ സമയം ഉച്ചയ്ക്ക് 2 മുതല് വൈകുന്നേരം 5.15 വരെ 195 മിനിറ്റായി നീട്ടിയിട്ടുണ്ട്. പരീക്ഷയുടെ തുടക്കത്തിലും അവസാനത്തിലും ഒപ്പിടല് പോലുള്ള ഇന്വിജിലേഷന് നടപടികള് ഈ വിന്ഡോയില് ഉള്പ്പെടുന്നു.
ചോദ്യപേപ്പര് ബുക്ക്ലെറ്റിലെ റഫ് വര്ക്ക് പേജുകളുടെ എണ്ണം രണ്ടില് നിന്ന് നാല് ആക്കി.
ഏകദേശം 10% വരുന്ന ഇടംകൈ കൊണ്ടെഴുതുന്ന ഉദ്യോഗാര്ത്ഥികള്ക്കായി റഫ്-വര്ക്ക് പേജുകളുടെ സ്ഥാനം പുനര്രൂപകല്പ്പന ചെയ്തിട്ടുണ്ട്. നേരത്തെ ബുക്ക്ലെറ്റിന്റെ അവസാനം മാത്രം നല്കിയിരുന്നത്, ഇനി മുതല് അവസാനത്തെ പേജുകള്ക്ക് പുറമേ, നിര്ദ്ദിഷ്ട പേജിന് തൊട്ടുപിന്നാലെ രണ്ട് റഫ്-വര്ക്ക് പേജുകള് കൂടി ഉള്പ്പെടുത്തി. ഇത് ചോദ്യപേപ്പറിന്റെ ഇംഗ്ലീഷ്, പ്രാദേശിക ഭാഷാ പതിപ്പുകള്ക്കും ബാധകമാണ്.
