വാഷിംഗ്ട്ടണ്‍ : ഇറാന്‍ ആക്രമണങ്ങള്‍ ഉടന്‍ അവസാനിപ്പിക്കണമെന്ന് അമേരിക്കയും ബ്രിട്ടനും ജര്‍മ്മനിയും അടക്കം 22 രാജ്യങ്ങള്‍ സംയുക്ത പ്രസ്താവനയില്‍ ആവശ്യപ്പെട്ടു. അമേരിക്ക മുന്‍ കൈയെടുത്താണോ പ്രസ്താവന ഇറക്കിയതെന്ന് വ്യക്തമല്ല.ല്‍
യൂറോപ്പ്, വടക്കേ അമേരിക്ക, ഓസ്ട്രേലിയ എന്നിവിടങ്ങളില്‍ പ്രവര്‍ത്തനങ്ങള്‍ നടത്താന്‍ ഇറാന്റെ സുരക്ഷാ ഏജന്‍സികള്‍ ക്രിമിനല്‍ സംഘങ്ങളെ ആശ്രയിക്കുന്നുവെന്നാണ് സംയുക്ത പ്രസ്താവനയില്‍ പറയുന്നത്.
നമ്മുടെ മണ്ണില്‍ ആളുകളെ കൊല്ലാനോ, തട്ടിക്കൊണ്ടുപോകാനോ, ഉപദ്രവിക്കാനോ, ഭീഷണിപ്പെടുത്താനോ, അല്ലെങ്കില്‍ മറ്റേതെങ്കിലും വിധത്തില്‍ ആക്രമിക്കാനോ ഉള്ള ശ്രമങ്ങള്‍ ദേശീയ പരമാധികാരത്തെയും അന്താരാഷ്‌ട്ര മാനദണ്ഡങ്ങളെയും ദുര്‍ബലപ്പെടുത്തുമെന്ന് പ്രസ്താവനയില്‍ ചൂണ്ടിക്കാട്ടുന്നു.
അമേരിക്കയെ കൂടാതെ ഫ്രാന്‍സ്, ഫിന്‍ലാന്‍ഡ്, ജര്‍മ്മനി,കാനഡ,പോര്‍ച്ചുഗല്‍, സ്വീഡന്‍,അല്‍ബേനിയ, ഓസ്ട്രേലിയ, ബെല്‍ജിയം, യുകെ, ബള്‍ഗേറിയ, ചെക്ക് റിപ്പബ്ലിക്, ഡെന്‍മാര്‍ക്ക്, എസ്റ്റോണിയ,അയര്‍ലന്‍ഡ്, ലാത്വിയ, ലിത്വാനിയ, നെതര്‍ലാന്‍ഡ്സ്, ന്യൂസിലാന്‍ഡ്, നോര്‍ത്ത് മാസിഡോണിയ, നോര്‍വേ, പോര്‍ച്ചുഗല്‍, സ്വീഡന്‍ എന്നിവയാണ് സംയുക്ത പ്രസ്താവനയില്‍ ഒപ്പുവച്ച രാജ്യങ്ങള്‍.
